Frábærir dansarar á leið út í lönd........

á heimsmeistaramót og alþjóðlegtmót í kóngsins Kaupinhöfn. Þau stóðu sig vel í Laugardalshöllinni börnin og unglingarnir, auk þeirra sem eru orðin það gömul að þau teljast til fullorðina, en nú á þessu móti kom saman einn stærsti hópur í þeim flokki í ára raðir eða um 18 pör. Þar gefur að líta pör sem eru á heimsmælikvarða og að sögn dómara eru íslensku dansararnir í mjög háum staðli og þau yngri lofa góðu um framtíðina. Góður árangur í dansi byggist á þrotlausum æfingum rétt eins og í hverri annari íþrótt, því eru fjárfestingar í slíku starfi ómetanleg fjárfesting, ef svo mætti að orði komast.

Ég hef starfað í yfir 20 ár, í foreldrastarfi við leik og grunnskóla Kópavogs og þar hafa allir verið sammála um það að bestu forvarnir væru fólgnar í því að leyfa börnunum að stunda heilbrigðar íþróttir, tónlistarnám og hvað það annað sem gerir börnin okkar hæfari til að koma sér áfram í lífinu. Ég set hér með nokkrar myndir sem sýnishorn og vísa ykkur hér á MYNDASAFNIÐ.

 

SAMKVÆMISDANSAR Í LAUGARDALSHÖLLINNI !!!

Nú stendur yfir Íslandsmeistaramót í 5 og 5 dönsum (samkvæmisdönsum "latin og standard") þar gefur að líta dans sem er á heimsmælikvarða. KOMIÐ OG SJÁIÐ MEÐ EIGIN AUGUM !

Kær kveðja Jón.

skoðið myndir á vefsíðu minni; http://www.123.is/MOTIVMEDIA 

 

Hverjir eiga að stjórna? Við eða IMF?

Er ekki tímabært að fara að hlusta á fólkið, er ekki tímabært að hlusta á atvinnurekendur (SA) og fara að lækka all verulega STÝRIVEXTINA. Í eina tíð voru menn settir í FANGELSI fyrir okurvexti, af því að þeir áttu umfram peninga sem þeir gátu lánað, því þá var erfit að fá bankastjórana til að kaupa VÍXLA, sem var það lána fyrikomulag á þeim tíma. Þá réð frjálsa framtakið eigin vöxtum og voru oft óheyrilegir! Núna þykir sjálfsagt að níðast á fólki með alskyns gjöldum; seðilgjald, vanskilagjald, færslugjald, salernisgjald, viðlagagjald, innheimtugjald, útskriftargjald, afgreiðslugjald og enn væri hægt að telja áfram! Leggja ætti á ríkið að greiða fólkinu fyrir að vera til og hafa einhverja skynsemi í þessu öllu saman. Í mínum rekstri er það innifalið í gjaldtökunni, allt þetta kjaftæði sem hér er að ofan talið, eða á ég að fara að bæta þeim við? Það myndi heyrast þá í einhverjum! Sala á vöru og þjónustu hlýtur að innfela öll þessi gjöld og allan þann kostnað sem af viðskiptunum koma.

Vegurinn að heiman er vegurinn heim.

Vildu lækka vexti en ekki IMF

GEIR HARÐKLOFI OG SOLLA SÆTA HÆTT SAMAN !!!

Það ríður ekki við einteyming hjá þeim Valhallarmönnum, FLOKKURINN FYRST OG ÞJÓÐINN EINHVERN TÍMAN SEINNA, þetta er sá boðskapur sem harðlínumenn SJÁLFGRÆÐISFLOKKSINS bera á borð fyrir alþjóð. SJÁLFSTÆÐIS/GRÆÐISFLOKKURINN ER KLOFINN, þar eru annars vegar sannir sjálfstæðismenn sem setja sjálfstæði þjóðarinnar og velfarnað fólksins í forgang, en hinsvegar SJÁLFGRÆÐISmenn sem setja eigin gróða markmið í forgang og allt annað er auka atriði og óþarfi.

Það er nú öllum ljóst að Geir Harði er aðeins að hugsa um ráðherra-stólinn og hagsmuni flokksins og ver einkavinavæðinguna, frekar en að leysa úr efnahagsvanda þjóðarinnar. það er með ólýkindum hvernig hann bregst við því að vera leystur frá stöfum og þessum stjórnarsamstarfs lokum.

Stjórnvöldum ber að hlusta á fólkið í landinu og vilja þess. Kosningar eru óhjákvæmilegar og alger uppstokkun í öllu stjórnvaldskerfinu. Björgvin ráðherra bankamála á heiður skilin fyri áræði sitt og þá ákvöðun að leysa upp Fjármálaeftirlitið, næst þarf að sópa út úr Seðlabankanum.

Bauð Ingibjörgu að verða fjármálaráðherra

EINN ER FEGINN, ANNAR ER SLEGINN....

Þetta er eitt af því sem ég er búin að vera að segja hér í undangengnum pistlum á þessu lítilfjörlega blogi mínu. Þessi uppákoma verður kanski til þess að Sjálfgræðisflokkurinn breyti afstöðu sinni í HEILBRIGÐISMÁLUM, nú reynir á styrka samstöðu, nú reynir á hæfni heilbrigðiskerfisins og styrk tryggingakefisins og að aðgerð Geirs verði greidd af Tryggingastofnun, því varla hefur hann efni á að greiða svona dýra aðgerð sjálfur. Megi honum farnast vel í baráttu sinni við erfiðan keppinaut sem engin öfundar hann af, ég óska þess einlægt að samflokks menn hans hugsi jafnvel til hins almenna borgara.

„Ekki farin að finna til með honum ennþá“

Vá ég vissi ekki........

.....Að til væru svona margir Framsóknarmenn, skildi vera skemmtidagsskrá með LADDA og frítt inn. Eða var Guðni að segja sögur af Gunnari á Hlíðarenda?

Stólum bætt við hjá framsókn

SAMEINAÐIR STÖNDUM VÉR, SUNDRAÐIR FÖLLUM VÉR........

Ef ég man rétt eru þetta ein af fleygustu orðum í SJÁLFSTÆÐISBARÁTTU ÍSLENDINGA, þessi orð standa enn fyrir sínu og ættu sjálfstæðismenn sem svo kalla sig að hafa þau að leiðar-ljósi. Sparnaður fellst ekki í svona hryðjuverkum sem nú dynja yfir land og þjóð. Nú vil ég beina orðum mínum til Guðlaugs Þórs;

Guðlaugur Þór þín verður minnst fyrir þessa glæpi, ef þú dregur þessar ákvarðanir EKKI til baka, en þú gætir staðið á háum stalli ef þú hlustar á fólkið í landinu, hlustar á þá sem vita betur!

St. Jósefsspítali. mbl.is/Árni Sæberg

Styrkja ætti en sundra ei

STJÓRNVÖLDUM ER ALVEG SAMA!

þAÐ ER EKKI FYRR EN ÞEIR SJÁLFIR VERÐA VEIKIR eða geggjaðri, eða DAUÐIR, SEM ÞEIR KANSKI MUNU ÁTTA SIG á hvað þeir hafa gjört. Ég segi nú bara eins og í ritningunni;

Faðir fyrirgef þeim því þeir vita ekki hvað þeir gjöra!

Segir sparnaðinn dýrkeyptan

HVER ÞARF AÐ DEYJA TIL AÐ ...............

....stjórnvöld taki upp breytta starfshætti?

Það eru dæmi þessi í Íslandssögunni að missi einhver ráðamaður ástvin eða eign heilsu og þurfi að nota heilbigðiskerfið og það kemur þá í ljós að það vantar eitthvað uppá. Þá loks er sjálfsagt að kippa því í liðin.

Magnús Kjartansson fyrrverandi heilbrigðisráðherra, þingmaður Alþýðubandalagsins, misti heilsu og þurfti í endurhæfingu, enda var hann þá komin í hjólastól. Var hann þá sendur á Grensásdeild, varð honum þá ljóst að þarna vantaði sundlaug, enda var búið að vera óska eftir henni í nokkur ár þar á undan, laug sem er lífsnauðsynleg fyrir endurhæfingu fólks með skerta hreyfi getu. Enda er búið að byggja margar laugar í þeim tilgangi einum síðan.

Ýmsir valkostir í heilbrigðisþjónustu hafa verið lagfærðir þegar nógu háttsettir menn hafa þurft á henni að halda og þá er loks réttlæting fyrir útgjöldum. Því spyr ég HVER ÞARF AÐ DEYJA TIL AÐ HÆGT SÉ AÐ REKA EÐLILEGA HEILBRIGÐISÞJÓNUSTU?

Öryggi fæðandi kvenna stefnt í hættu

Sendið Guðlaug suður eftir.......

Kanski hann geti sameinað þessar veirur og sent þær út í Eldey þar sem færi mun betur um þessar veirur!!!!!.......

34 greindir með nórósýkingar

Er það ekki LÖGREGLUNAR að taka á hryðjuverkamönnum ???

Nú er komin tími til að LÖGREGLAN taki höndum þá hryðjuverkamenn sem enn ganga lausir! Þá er ég ekki að tala um það fólk sem af eldmóð stendur í mótmælum viku eftir viku, dag eftir dag, jafnvel gasað niður af Lögreglunni og beitt fantabrögðum. NEI ÉG ER AÐ TALA UM RÍKSSTJÓRN SJÁLGRÆÐISFLOKKSINS, sem í skjóli Lögregluvalds Bjarnarins fær að vaða uppi með alskyns hryðjuverk, er þeir hamast við að brjóta niður allt sem þjóðin hefur áunnið sér á liðnum áratugum,

ÉG er að tala um sparnað fólksins sem hvarf við yfirtöku bankana,

ÉG er að tala um útdeilingu til örfárra á auðlindum landsins til sjávar og sveita,

ÉG er að tala um niðurskurð á menntakerfinu,

ÉG er að tala um niðurskurð í ÖRYGGISKERFINU,

ÉG er að tala um gjöreyðileggingu á HEILBRIGÐISKERFINU. Finnst mönnum þetta bara í lagi?

ÉG er einnig að mynna á kindabyssuna, sem lausn í heilbrigðismálunum því það fer að verða síðasta lausnin til að leysa aumingjans fólkið undan þjáningum, sem eru fórnarlömb HEILBRIGÐISRÁÐHERRANS og hans spellvirkja.

Menn tala um að þetta séu stjórnleysingjar sem hamast við að mótmæla og mótmæla, sumir meir að segja halda því fram að þeir viti ekki lengur hverju er  verið að mótmæla, en málið er að stjórnleysingjarnir eru í RÍKISSTJÓNINNI því þeir vita ey hvað þeir gjöra. Á meðan hafa þeir með sér yfirmann Lögreglumála, sem ver misgjörðir þeirra, hvað sem það kostar.

Það eina rétta er að Ríkisstjórnin segi af sér og efnt verði til kosninga og þá munu menn vita hvar Davíð keypti ölið eða hvar hann sullaði því niður.

 

90 manns fyrir utan Sólvang

Hryðjuverk af versta tagi !!!!!!!!!!!!!!!!

Guðlaugur með KUTANN sker og sker allt niður, það vantar bara að hann skeri fólk beinlínis á háls til að stytta biðlista og fækka aðgerðum á sjúkrahúsum. Þessi aðför er ein sú grófasta sem um getur í siðmenntuðu þjóðfélagi, sem státað hefur af einu besta heilbrigðis og tryggingakerfi í heimi, ÉG get bara ekki sætt mig við svona HRYÐJUVERKASTARFSSEMI.

Aðgerðir Gordon Brown gegn Íslendingum er barnaleikur við hlið þessara aðgerða, því þarna er verið að spila með líf og heilsu fólks, ráðskast með tilveru þess og öryggi. ALDREI ALDREI HEF ÉG HORFT UPP Á ANNAÐ EINS OG ÞAÐ SEM NÚ ER Í GANGI! Við Íslendingar megum ekki láta þetta viðgangast og ég skora á umboðsmann alþingis, umboðsmann sjúklinga og þingheim allan, að draga þessar ákvarðanir til baka og það í GÆR.

Nú svíður að þeim sem síst mega sín og nú sannast það best hvernig þessir SJÁLFGRÆÐISMENN ætla að spara aurinn og kasta krónunni. St Jósefs til Keflavíkur er eins og við myndum bara flytja Alþingi á Hofsjökul og ráðuneytin á sithvort hornið á Vatnajökkli.

 

Svæðið stórt og samlegðaráhrifin mismikil

Spara er ekki sama og spara nema sparað sé !!!

Þetta er alveg hreint ótrúlegt þegar hinir háu herrar taka upp kutan og ætla að fara að spara og skera niður, því eina leiðin í því er að skera niður. En þá kemur tímabundin útfararkostnaður en það líður hjá! NEI þetta er ekki sparnaður, þetta er auka kostnaður við flutninga það þarf fleiri starfsmenn á Kristneshælið ef fólki fjölgar og það stendur eftir ónotað hús sem þarf að greiða af og reka áfram. Nema forstjóri FSA ætli að búa þar sjálfur og nýta þannig húsið. NEI OG AFTUR NEI, svona gerir ekki siðmenntað fólk, við eigum að hlúa að þeim sem minna mega sín og þá ekki síst núna, eftir allar þessar hremmingar og athugið, þetta fólk er kanski arðrænt sparifé sínu í GÖMLU BÖNKUNUM, sem það sér aldrei aftur, HVER BER ÞA´ÁBYGÐ?

Spyr ráðherra hvað vistmenn hafi gert af sér

Nýtt ár með nýjum degi !!!

Um leið og ég þakka öllum lesendum, blogvinum, ættingjum og vinum, fyrir það traust að lesa reglulega, öðru hvoru eða sjaldan, þessar fátæklegu línur um viðhorf mitt um stjórnmál og almenn samskipti, sem ég hef reynt að hafa til að bæta tilveruna og lífsandan. Megi þið eiga ánægjuleg áramót, gæfuríkt og gleðilegt nýtt ár framundan, með kærri þökk fyrir það sem er að líða.

Kær nýárskveðja Jón Svavarsson

 

 

 

Það var búið að finna upp hjólið er það ekki ?????????????

Hér er eitt augljóst dæmi um það að ríkið er að spara aurana og bókstaflega fleygja KRÓNUNNI, breytingar á breytingar ofan og engin veit hvar hann stendur? Ég held að verið sé að reysa RÍKISLÖGREGLUSTJÓRA hurðarás um öxl og þetta sé orðið svo flókið að menn viti vart lengur hvar og hver á hvað? Væri ekki nær að eyða tíma og fjármunum í eitthvað þarfara en þetta brölt sífelt með þetta embætti.

LRH fái efnahagsbrotin?

Þetta hefði ekki gerst ef..........

Ríkið hefði haldið eftir öllu dreifikerfi fjarskipta á landinu og selt aðgang til símafélaga á heildsölu á jafnræðisgrundvelli, ég sagði það í upphafi, er hugmyndir um sölu Símans komu upp að þetta ætti eftir að skapa meiri vandræði en lausnir, eins aukin kostnað fyrir ríkið sem þarf í staðin að kaupa aðgang að einkareknu dreifikerfi sem þeir áttu áður. Ég segi enn og aftur eins og Mikki refur "Bull og vitleysa" þegar ríkið ætlar að gera eitthvað sniðugt og enda með því að spara aurinn en kasta krónunni.

Sagt upp og samningi rift

Blessuð jólin eru komin !

Það má segja að margir eru því fegnir að þessi yndislegi dagur sé á enda kominn, því margir hafa átt ansi annríkt og lítið getað hvílt sig á undanfönum vikum. En nú er áfanganum náð og allir sælir og glaðir, börnin búin að opna jólapakkana og öll GULLINN komin í ljós. Ég á því láni að fagna að eiga fallega og góða fjölskyldu og yndisleg barnabörn. Þó þau séu enn það lítil, að skilja ekki tilgang jólana, þá hafa þau jafn gaman af því að fá pakkana og Jotti var alveg með á hreinu hvað honum þótti skemmtilegast. Ólafur Már dáðist að öllu dótinu og varð hugfangin af apanum sem sem heyrðist í og umlaði á banana. Emma fékk nokkra kjóla og meðal þeirra var einn æðislega fallegur rauðurkjóll frá langömmu og afa í Svíþjóð. Sjálfur fékk ég skemmtilegar myndir á DVD og meðal þess voru minningartónleikar um vin minn og læriföður Vilhjálm heitin Vilhjámsson, en við Villi kyntumst í Flugskóla Helga Jónssonar, þar sem hann kenndi mér siglingafræði, síðar tókumst við á við það verkefni að leita að vini okkar Jóni Heiðberg sem fórst eftir brotlendingu á þyrlu, norðan Mýrdalsjökuls við Mælifellssand, ásam Ásgeiri Höskuldssyni. Þá samdi Villi texta við lag Jóhanns Helgasonar "Söknuður". Tónleikar þessir eru stórkostlegir, flytjendur í landsliði tónlistarmanna, útsetningar og flutningur frábær, því finnst mér það leitt hve hljóðritunin er illa gerð, já mér þykir leitt að segja það en það er staðreynd, hljóðblöndunin er þannig að allur söngur virkar eins og það sé einungis bakraddir við hljóðfæraflutning, en ekki söngur við undirleik. Samskonar upplifði ég í jólaþætti Loga Bergmans, að hljóðblöndun var þar afspyrnu léleg og það er eins og menn séu heyrnarskertir sem sjá um hljóðblöndun á sjónvarpsútsendingum að undaförnu. Einhver kann að spyrja sig hvort að um lélegt sjónvarpsviðtæki sé að ræða, en svo er ekki þó það sé ekki neitt hágæða tæki, því til samanburðar, þetta sama kvöld/nótt jólanótt, að þá átti ég þess kost að hlýða á tónleika Procul Harum í DR2 danska sjónvarpsins, í sama tæki, en þar var fábær hljóðritun og hljóðblöndun og tónleikarnir hljóðritaðir úti undir berum himni, ÞAÐ VAR FLOTT HLJÓÐVINNSLA. Mér finnst fagmennska vera á undanhaldi á mörgum sviðum, þegar um listviðburði er að ræða, þá er ég ekki að tala um flytjendur eða sýnendur, heldur tækniatriði í kringum þá. Ljósameistarar virðast halda að ljós eigi að vera aðalatriði á sviði og valda glýju í augun, svo atriðin séu bara í silúettu og hljóðblöndun sé eitthvað sem er gamaldags eða óþarft. Það er von mín að þeir sem málinu eru viðkomandi lesi þetta og íhugi hvað verið sé að tala um. Hljóðvinnsla á að vera þannig að okkur líði vel með það sem við heyrum og lýsing á að vera þannig að við njótum þess við eigum að sjá.

Meðfylgjandi eru nokkrar myndir frá jólahaldi mínu og fjölskyldunar, þar sem börnin nutu sín og foreldrarnir voru uppteknir upp fyrir haus með börnunum. Tertan sem myndirnar eru af, er gjöf fá vinum okkar á næstu hæð fyrir neðan en þau eru frá Víetnam, kakan er ljúfeng með smjörkremi og skrautið er úr smjörkremi einnig, því líkt listaver.

Gleðilega hátíð.

 

KERTASNÍKIR OG JÓLATRÉ FLUGBJÖRGUNARSVEITARINNAR HÓ HÓ HÓ !!!

JÆJA góðir hálsar, þá er að styttast í jólinn og Jólatrjásala Flugbjörgunarsveitarinnar í fullum gangi niður á Flugvallavegi, svona ykkur að segja þá seldist allt upp í fyrra og það gæti farið eins núna þessi jól. En hvað um það, hvort sem þú ætlar að kaupa jólatré eður ei þá eru allir velkonir í heimsókn í dag, sunnudag, klukkan tvö því þá ætlar Kertasníkir að koma í heimsókn og tralla með börnunum og aðstoða við val á jólatrjám ef ráðgjafar er óskað. Svo sakar ekki að mynna á FLUGELDASÖLUNA á milli jóla og nýárs!

Munið Flugbjörgunarsveitin í Reykjavík við Flugvallarveg í dag sunnudag,

KLUKKAN 14

UPP KOMAST SVIK UM SÍÐIR !!!

Öllum var talin trú um að selja SÍMANN væri LÍFSBJÖRG fyrir almenning. Allir þingmenn landsins héldu að þarna væru þeir að gera það, eða eins og sagt er á góðri útlensku"AÐ MEIKA ÞAÐ" og öllum var lofað að svo svo mikið af söluandvirði færi til heilbrigðismála og svo framvegis. Allir vitibornir menn sáu hvaða reyk var verið að vaða og þrátt fyrir bréfasendingar, tölvupósta og viðtöl við þingmenn landsins, þá var þessi gjörningur samt samþykktur á Alþingi voru landsmanna.  

Síðar kom í ljós, þegar þingmenn vöknuðu úr vímunni, að sennilega hefðu þeir farið of geist í söluna, því menn fóru að átta sig á að allt dreyfikerfið væri þarna með og öll öryggisfjarskipti þóðarinnar þyrftu að fara um þessar leiðir líka. Auk þess sem öll þjónusta við landsbyggðina, ekki bara minnkaði heldur lagðist af með öllu! Þá eru góð ráð dýr og leiðin löng til Dlavíkur hvað þá til Seyðisfjarðar, þar sem fyrsta símstöðin var sett upp. Þá fóru menn að spá í hvað dreyfikerfið væri mikilsvirði og kom í ljós hvað það var lítill hluti þess sem allur pakkinn kostaði. Nú er búið að brjóta upp SÍMANN og er Síminn notendasala og þjónusta, Míla dreyfikerfið og Skipti sem sér um allt rekstrartengt og kanski eru fleiri angar sem ég kann ekki að nefna í bili. ALLT þetta staðfestir það sem ég sagði upphaflega, að þetta hefðu átt að vera tvö aðskilin atriði, Síminn, þeas sala og þjónusta við notendur, var í lagi að selja til að hafa í almennri samkeppni, en dreyfikerfið ætti að vera í RÍKISEIGN svo öll fjarskipti væru tryggð og þaðan myndu ÖLL símafyrirtækin kaupa dreyfingu í heildsölu á jafnréttisgrundvelli og þjóðin væri að njóta sömu þjónustu allstaðar.

Svo kemur þetta svikabragð, því nú vilja menn fá komugjöld inn á spítala, væri þá ekki bara betra að setja upp útrýmingarbúðir og fækka þessum vesalingum? Stundum eru menn ekki með heilbrigða hugsun þarna niður við Austurvöll og ættu bara að hugsa sinn gang betur, því einn góðan veður dag reka þeir sig á það hvað þeir hafa kallað yfir sig og okkur hin með og einnig það sem þeir hafa vanrækt og þurfa að súpa seiði af því sjálfir. Það var ekki fyrr en einn fyrrum ráðherra landsins, Magnús Kjartansson blessaður, sem þá var heilbrigðisráðherra, þurfti að að fara á endurhæfingadeildina á Grensás að hann sá það að það bráðvantaði sundlaug á staðinn. Þá fyrst var farið í að byggja sundlaugina þar. Fleiri dæmi væri hægt að telja hér upp, en ég læt þetta duga í bili.

Stundum er betra fyrir þessa háu herra á Alþingi Íslendinga að HLUSTA Á ÍSLENDINGA.

 

 

Komugjald vegna innlagnar á sjúkrahús

"BULL OG VITLEYSA" sagði Mikki refur.....

Ég held að það hafi komið fram í einhverju viðtali á sínum tíma þegar "fallið" var í algleymingi, að fela ætti virtri endurskoðunarskrifstofu málið til gaumgæfilegrar skoðunar og að KPMG hafi sennilega verið þar nefnt! Svo það ætti ekki að koma á óvart, en ferlega léleg afsökun að segjast ekki hafa vitað af því og dómgreindarleysi að láta þetta vitnast! Ég legg til að fá hóp innflytjenda frá Alþjóðahúsi til að taka að sér að endurskipuleggja málin, þau skilja hvort eð er lítið eða ekkert í íslensku, sem er ekki nauðsynleg kunnátta því það veit engin af því hvort sem er!

 

 

Björgvin vissi ekki um KPMG fyrr en í gær