Þá er AFAstelpan fædd 50 cm og 15 merkur!

30.6.2008 | 23:16

Þá er AFAstelpan fædd 50 cm og 15 merkur!

Já litla daman dreif sig bara í heiminn í kvöld. Ég var hjá þeim um kvöldmatarleitið er dóttirinn fór að fá mikla samdráttarverki og ákvað ég þá að tengdasonurinn hefði samband við fæðingardeildina og tilkynnti komu þeirra. Ég tók Afastrákinn hann Jotta og gerðum við okkur klára með að hann yrði hjá Afa í nótt. Það var lítið mál fyrir okkur strákana og fórum við að ná í Árna Snæ móður bróður Jotta, en hann var að keppa fyrir hönd Breiðabliks við strákana í Víking í 3ja flokki í fótbolta og gerðu þeir sér lítið fyrir og sigruðu 4 - 1.

En hvað varðar litlu dömuna, þá kom hún í heiminn kl 20:52 GMT og var við fæðingu hraust og heilbrigð, 50 centimetra löng og 15 merkur, end eru foreldrar hennar og litli bróðir voða stolt af henni. Hvað þá Afinn sem vart gat mælt orð af munni, er tengdasonurinn lét mig vita um dömuna, örfáum mínútum eftir fæðingu hennar, tárinn fylltu augnkvarmana af gleði og kverkarnar fóru í lás. Var þetta í annað sinn sem þetta gerðist fyrir mig í dag, en ég fylgdi góðum vin til grafar fyrr í dag og hitti þar fyrir vini okkar og það hendir mann að tilfinningarnar fari með mann. Vinurinn hét Jón Ólafsson og gjarnan kenndur við Snæfisk sem hann átti og rak með myndarbrag í um áratuga skeið, blessuð sé minning hans og megi algóður Guð styrkja fjölskyldu hans á þessum erfiðu tímamótum.

Við Jotti ætlum að hvíla okkur vel í nótt og heimsækja mömmu og litlu systir hans í fyrra málið. Megið þið öll eiga góðar stundir, kær kveðja Jón

Þá eru komnar nýjar myndir fá tengdasyninum af Prinsessunni!

Flokkur: Stjórnmál og samfélag | Breytt s.d. kl. 23:38 | Facebook

Athugasemdir

Hjartanlega til hamingju með nýjudömuna.

Ég skil þig vel, barnsfæðing er alltaf sama kraftaverkið og koma þessum tárakirtlum í gagnið, aftur og aftur.

Marta Gunnarsdóttir, 30.6.2008 kl. 23:30

Til hamingju með litlu afaprinsessuna. Er viss um að þið Jotti eigið eftir að njóta ykkur vel til morguns.

Guðrún Jóna Gunnarsdóttir, 30.6.2008 kl. 23:35

Bestu hamingjuóskir með prinsessuna, Nonni minn! Lífið heldur áfram og það eru svona gleðistundir sem gefa því gildi, ekki satt?

Gunnar Kr., 1.7.2008 kl. 01:39

Til hamingju með fallegu afastelpuna þína, Jón minn. Lítill er heimurinn orðinn þegar litla skottan þín heilsar heiminum á Íslandi um kvöld... og bloggvinkona í Bretlandi búin að fá að sjá myndir af henni strax morguninn eftir. Hún er yndisleg og mikið skil ég að þú sért stoltur! Bestu kveðjur,

Helga Guðrún Eiríksdóttir, 1.7.2008 kl. 08:20

Til hamingju með litlu "afalúsina".....

Fanney Björg Karlsdóttir, 1.7.2008 kl. 10:39

Innilega til hamingju með AFAkrúttið þitt! Skil þessar tilfynningar þegar tárin trilla.

Ía Jóhannsdóttir, 1.7.2008 kl. 11:02

Til hamingju með litlu prinsessuna. Þau eru sæt afakrúttin, bæði tvö.

Birna M, 1.7.2008 kl. 11:20

Til hamingju

Nanna Katrín Kristjánsdóttir, 1.7.2008 kl. 12:13

Til hamingju með dótturdótturina. Það fór ekki á milli mála þegar ég hitti ykkur um daginn að það væri ekki langt eftir.

Helga Magnúsdóttir, 1.7.2008 kl. 12:18

Innilega til hamingju með afabarnið.

Guðjón H Finnbogason, 1.7.2008 kl. 12:20

Innilegar hamingju óskir með litlu afadömuna.

Bryndís R (IP-tala skráð) 1.7.2008 kl. 12:30

ætla senda kveðju ,,og til hamingju með prinssesuna,,núna er stóri bróðir stoltur og afinn kær kv Ólöf jónsdóttir

lady, 4.7.2008 kl. 14:43

Það er engin tilfinning eins og að fá barnabarn . Til hamingju

Rúna Guðfinnsdóttir, 4.7.2008 kl. 15:56

Hjartanlega til hamingju. Vonandi á maður þetta eftir í ekki svo mjög fjarlægri framtíð.

Jóna Á. Gísladóttir, 5.7.2008 kl. 12:34

Sæll Jón. Já hratt flýgur stund og áður en við höfum tíma til að líta um öxl þá eru litlu börnin okkar orðið fullorðið fólk og hafa gert okkur að ömmum og öfum...Innilegar hamingjuóskir með litlu dömuna til þín og eiginkonu þinnar Ólafar.

Guðrún Magnea Helgadóttir, 5.7.2008 kl. 18:02