BAUNATELJARAR !!!!

 

Ekki í nokkru ríki er jafn smásmuguleg Tollgæsla og á Íslandi, það að eltast við eitthvað smáræði, þó það væri átekið vindlingakarton eða auka flaska af áfengi eða eitthvað smávægilegt sem fólk er að kaupa sér í fatnaði eða einhverjum nýjungum, þá á aðal áherslan að vera á það að hafa öfluga HUNDASVEIT sem þefar uppi ófögnuð eins og ólögleg fíkniefni og annan álíka hættulegan varning. Hvergi í Evrópu hef ég upplifað það að þurfa að sýna í töskurnar mínar fyrir einn einasta Tollara nema á Íslandi, aðal áhygjuefnið var hvort að ég hefði eitthvað fram yfir þetta lágmark sem er einn líter af sterku og veiku áfengi og karton af vindlingum, en ég tek það fram ég reyki ekki og þætti betur að fá að taka einn pott af áfengi í staðin. Fólk sem er á ferðalögum er háð ströngum vigtar ákvæðum flugfélagana og hvert umfram kíló kostar um eittþúsund krónur og nú síðustu misseri í öllu þessu verðstrýði þá rukka þeir grimmt yfirvigtina. Það eitt takmarkar það sem fólk flytur með sér á ferðalögum. Því skora ég á stjórnvöld að aflétta þessum kjánalegu takmörkunum eða allavega að hækka upphæðirnar verulega og rýmka það magn sem fólk má hafa af áfengi og slíku úr fríhöfninni. Það eru mjög fáir sem eru að versla fyrir meira en góðu hófi gegnir, fólk nennir ekki að rogast með einhver býsn og ein verslunarferð í Fríhöfnina fer venjulega svona í kringum 20-30 þúsund og þá er búið að taka tollinn og slatta af sælgæti handa börnunum og til að eiga fyrir gesti. Það er því áskorun til TOLL yfirvalda að efla Hundasveitina, það eru duglegustu starfsmennirnir og þefvísustu snuðrararnir.

27 milljónir króna í sektir í tollinum

Athugasemdir

[Guðjón H Finnbogason, 4.3.2008 kl. 15:35]

Þetta er óréttlát kerfi í marga staði,sælgæti er matvæli,átekinn peli af víni skuli vera smiggl og eins og þú seigir átekið sígarettukarton.Svo er það geðþáttar ákvörðun hvers tollþjóns fyrir hvað hann sektar sumir 10.þúsund og aðrir helmingi meira fyrir sömu vigt.

[Ía Jóhannsdóttir, 4.3.2008 kl. 17:17]

Gæti ekki verið meira sammála. 

[Ingibjörg Hinriksdóttir, 4.3.2008 kl. 22:31]

Algjörlega 100% sammála þér!

[Rúna Guðfinnsdóttir, 5.3.2008 kl. 18:55]

Sennilega hefur þú nokkuð til þíns máls!

[Sigrún Friðriksdóttir, 6.3.2008 kl. 17:23]

Ótrúlegt, þekki dæmi þess að fólk hafi orðið að borga toll af trévörum keyptum í Tælandi á útimarkaði af því að það var ekki hægt að sína kvittun. Og þá erum við bara að tala um eðlilegt magn af minjagripum ekki neinn innflutning og þetta var tollað eftir einhverjum dýrum innfluttum vörum út úr búð. Ég er viss um að þetta leyfist hvergi nema á Íslandi. Annað dæmi var að ein sem ég þekki fór til USA og millilenti á Íslandi og var með snus með sér (muntóbak í litlum pokum) Það var tekið af henni í tollinum. Var ætlað til að langa ekki í sígó í flugi.

Kveðja 

[Katrín Ósk Adamsdóttir, 8.3.2008 kl. 20:49]

Já,ég held að fólki sé bara farið að kvíða fyrir að fara í tollinn, ef hugsanlega að þar væri einn M og M poki yfir tollinn  Það er líka bara ekkert gaman að láta stoppa sig og fara í gegnum dótið eins og maður sé glæpamaður