Jólahlaðborð JT veitinga Hótel Loftleiðum !

Það er sífelt vinsælla að vinahópar, saumaklúbbar, veiðifélagar eða sundfélagar og heilu fjölskyldurnar fari saman í jólahlaðborð. Nú eru þau hafin og undirritaður reið á vaðið og kíkti inn á Hótel Loftleiðir, en þar er Marentza Poulsen smurbrauðsdama sem leiðir okkur í þetta hlaðborð sem er að danskri fyrirmynd, eldað með aðstoð Kjartans Kjartanssonar yfirmatreiðslumeistara.

Til margra ára kom Ida Davidsen frá kóngsins Kaupmannahöfn og var með henni fyrstakvöldið og lagði línurnar, ásamt Marentzu, en vegna aldurs og heilsu er hún hætt að treysta sér í svona stórvirki. Þess í stað halda þeir félagar Jón Finnur og Trausti uppi hefðinni með aðstoð Marentzu.

Það er ekki sama hvernig maður ræðst á hlaðborðið, því fyrst fer maður í síldarréttina og fær sér Álaborgar Ákavíti með eða Gammel dansk, svo koma laxaréttirnir og í þriðjuferð prófar maður baiyonskinkuna og hangiketið, með tilheyrandi. Því næst er röðin komin að purusteikinni, léttreyktu andabringunni og lambinu, en purusteikin svíkur ekki, með brakandi stökkri purunni gómsætu. Eftir allar þessar kræsingar er þetta allt toppað með úrvali af eftirréttum, sumir smakka þá alla. Að sjálfsögðu er á boðstólum Malt og Appelsín, að hætti Íslendinga og kaffi og líkkjör fyrir þá fullorðnu í lokin. Allt þetta og jafnvel meira til, fæst fyrir sanngjarnt verð og verð ég að segja að miðað við magn og gæði þá er þetta ódýrara hlutfallslega, en ódýrasti borgarinn á McDonalds einn  og sér. Njótið myndanna og freistist, þið sjáið ekki eftir því.

Athugasemdir

[Ingunn Jóna Gísladóttir, 17.11.2007 kl. 13:22]

Þessar myndir valda miklu hungri og slefi. Kveðja Ingunn

[alva (IP-tala skráð) 17.11.2007 kl. 20:11]

SVÖNGGGGG

[Sigurpáll Ingibergsson, 18.11.2007 kl. 12:40]

Sæll Jón!

Varstu á föstudagskvöldinu í jólahlaðborðinu. Ég fór í gær og upplifði hlaðborðið svipað og þú. Ég hitti í síðari aðalréttaumferð á góðan bita af léttreyktu öndinni og það var magnað.  

[Rúna Guðfinnsdóttir, 18.11.2007 kl. 15:06]

Glæsilegt borð og sérdeilis girnilegt.

[María Anna P Kristjánsdóttir, 18.11.2007 kl. 18:29]

Jú jú mikið rétt,þetta byrjaði með glæsibrag á föstudagskvöldið,jólahlaðborðið á Hótel Loftleiðum er með því glæsilegasta sem er í bænum,enda alltaf fullbókað.

Jón og Trausti yrðu ánægðir ef þeir sæju bloggið þitt Jón.

[Ásdís Sigurðardóttir, 18.11.2007 kl. 23:20]

  Ekkert smá girnilegt, rosalega verð ég svöng.

[Agný, 21.11.2007 kl. 02:23]

Maður getur sko étið á sig mörg göt þarna....en sennilega fötin fyrst sem springa utan af manni