Kópvogur í vexti, bara ekki í öfuga átt !!!

Gunnar Birgisson er kappsamur maður, en mér var alltaf kennt að kapp er best með forsjá. Það er deginum ljósara að aukin byggð í vesturbæ Kópavogs gengur ekki upp, það þarf ekki sérfræðinga til að sjá það. Ef ætlunin er að fylla upp allan Fossvoginn og leggja nýjar brautir þar um, þá gæti farið að verða möguleiki, en það er ekki fyrir hendi og stendur ekki til, sama gildir með uppfyllingu í Kópavoginn í átt til Garðabæjar og Arnarnesins. Ég álít að hér sé nóg komið, of mikið er nú þegar byggt á Kársnesinu og geta þær umferðaæðar þar, engan vegin haft undan nú þegar í dag.

Auking byggðar og stækkun á atvinnuhúsnæði í Smáranum er nú þegar til vandræða og er nú verið að skítredda málunum í aðgengi að því svæði. Mislæg umferðaljós (mislæg gatnamót) Reykjanesbrautar og Fífuhvammsvegar, eru algjört klúður og fyrir bragðið hefur aðgengi að þessu svæði verið torvelt og klúðurslegt. Ekkert tillit hefur verið tekið til þess að hundruði barna þurfa að fara yfir fífuhvammsveginn til að sækja grunnskóla, Smáraskóla og Lindaskóla, og á sínum tíma var farið þess á leit við bæjaryfirvöld að lögð yrðu undirgöng undir fífuhvammsveg við Dalsmára, en því var harðlega neitað og talið nóg að hafa gangbrautarljós í staðin. Raunin í dag að umferðin á þessari götu er mikill og eykst með hverju deginum, fleiri þjónustur og verslanir eru að koma á svæðið og hraði bílana er ekki í samræmi við íbúðahverfi, því skipulagið lét þessa miklu stofnbraut kljúfa hverfið og hverfin, með tilliti til skólasóknar grunnskólabarna.

Það er komin tími til að hanna alvöru samgönguæðar og vistvæn íbúðahverfi, fyrirhyggja er það sem hefur skort á hönnun íbúðahverfa og samgöngumannvirkja á öllu landinu, því miður, því er ekki þörf á að Kópavogsbær haldi áfram sömu vitleysunni og hætti þessari tilraunastarfsemi í hönnun mannvirkja.

Kópavogshöfn verður ekki stækkuð gegn vilja íbúanna

Athugasemdir

[Bjarney Hallgrímsdóttir, 16.8.2007 kl. 23:12]

Já, þetta er nú ljóta vitleysan allt saman...

[Ásdís Sigurðardóttir, 17.8.2007 kl. 12:10]

Mér er algjörlega fyrirmunað að skilja þessu áráttu að stækka allt út í hafið, hvaða andsk. heimskustefna er þetta, "hver fattaði upp á þessu" eins og börnin segja.  Ekki ég, vildi að menn nýttu það land sem liggur vel. Stend með Kópavogsbúum sem vilja stoppa þetta.