Hvar er þá stöðuvarslan?

 

Þetta er dæmigert fyrir allt skipulag í borginni, það þarf að þrengja svo að öllu að engin kemst lönd né strönd. En hvar er stöðuvarslan? Í eina tíð þá sá Lögreglan um alla stöðuvörslu, en nú virðist sem þeim komi það ekki lengur við. Ég hef fengið þau svör ef ég hef hringt í lögreglu vegna stöðu bifreiðar, sem lagt var upp á gangstétt að þeim komi málið bara ekki við því þetta sé á íbúðalóð! Halló gilda ekki lögin alsstaðar? Ef ég ætti segjum alla kjósina, mæti ég þá keyra þar á ölöglegum hraða og haga mér að vild? Það er eins og það þurfi að byggja á hverjum einasta fermeter sem finnst og svo eru allar byggingar orðið svo þétt að sumstaðr er hægt að teigja sig út um glugga yfir í næsta hús. Menn vilja flytja flugvelli, til að fá byggingaland, hverjir muna eftir því að á sjöunda áratugnum þá átti að vera útivistarsvæði og skógrækt í Fossvoginum, en þar er ein af þéttari byggðum borgarinnar. Hesthúsin við Sprengisand þurftu mörg hver að víkja og fluttust í Víðidal, hesthúsin hjá Gusti í Kópavogi eru á leið í burtu, vegna þess að menn vilja byggja þar. Hvenær fara svo menn í að flytja Tjörnina og Elliðavatn, til dæmis í Bláfjöll því það væri svo verðmætt land, að það yrði bara að byggja þar líka. Hvar endar þetta sífelda klúður?

Slökkviliðið segir aðgengi í miðborginni vera ábótavant

Athugasemdir

[G.Helga Ingadóttir, 12.4.2007 kl. 13:58]

Já mikið til í þessu hjá þér. Menn vilja hafa pláss fyrir hallirnar.

[Jóna Á. Gísladóttir, 12.4.2007 kl. 18:28]

Það er margt sem ég ekki skil og eitt af því er húsnæðisuppbygging landans. Það er ekki fólksfjölgun í landinu. Hverjir búa í öllum þessum íbúðum sem er verið að byggja út um allar trissur? Og einmitt eins og G. Helga segir: Höllum. Þetta verður allt sífellt stærra, flottar og dýrara. Ekki eru það Pólverjarnir sem kaupa, er það?