Ein ÖFLUGASTA björgunarþyrlusveit í heimi!!!!

6.4.2007 | 13:57

Ein ÖFLUGASTA björgunarþyrlusveit í heimi!!!!

Þegar á reynir, þá er það sérþjálfuðum björgunarmönnum á að treysta til að bjarga fólki. Hin öfluga björgunarþyrlusveit Landhelgisgæslunar er því fyrir að þakka að ótöldum mannslífum hefur verið bjargað eftir slys, sjávarháska, fjallaferðum og ýmsum ferðamanninum á hálendi landsins. Þrátt fyrir smæð landsins, þá á ég við fólksfjölda og einnig flatarmál landsins, sem þó er meira en gerist í mun fjölmennari löndum til dæmis í Evrópu eins og Danmörku til að nefna. En það sem gerir sérstöðuna er hve erfit landið getur verið til yfirferðar og veður válynd. Það þarf því ekki nema eitt svona tilvik við og við til að réttlæta það að við þurfum öfluga björgunarþyrlusveit. Það vita jafnvel enn færri hve mikla áhættu þessir vöskumenn taka í flestum sínum björgunarferðum, hugsið ykkur ef skip sem er mörgþúsund sinnum stærra en þyrlan LIF, er í sjávarháska vegna veðurs með um tuttugumanna áhöfn, í hvaða áhættu er þá þyrlan, sem er komin mörg hundruð kílómetra frá landi í sama veðri að bjarga áhöfninni í sjávarháskanum. Þetta er eitt af því sem eru kraftaverk heimsins og með ólíkindum hve sjaldan verði slys við slíkar aðstæður.

Það er aldrei of sagt að ferðamenn verði að hafa á sér varan í ferðum sínum og ekki síst um óbyggðir landsins. Alltof margir fara vanbúnir af stað og þegar ég segi vanbúnir þá á ég ekki bara við um búnað farartækisins, klæðaburð ferðafólksins, vistir og fjarskipti, heldur einnig upplýsingar um það svæði sem á að ferðast um og væntanleg veður og horfur um veðurspá, það er ekki minna mál að hafa með í farteskinu. Ferðamenn verða allt of oft uppvísir að því að fara af stað illa búnir í alla lund og treysta of á sjálfan sig og þá ofurjeppa sem þeir eru kanski að ferðast á. Reyndir fjallamenn hafa góðan gaumlista sem farið er yfir svo allt það sem þörf er á sé með í upphafi ferðar, gaumlistar af slíku tagi gera manni einnig auðvelt að koma í veg fyrir að það sé með í för eitthvað sem ekki kemur að gagni og er bara auka byrði. Sýnum fyrirhyggju gerum ferða áætlun og látum einhvern vita af ferðum okkar svo það sé eftir einhverjum upplýsingum að vinna úr ef einhver vá fer í hönd. Góða ferð á leiðum ykkar um okkar dásamlega land. Jón