Miðborgir/bæjir og Borgarlína gegn bílafólki!

Í útvarpsþætti Lísu Pálsdóttur „Flakk“ fer hún orðum um deiliskipulag Kópavogshálsar, þar fer hún neikvæðum orðum um steinsteypu og bílastæði á Hamraborgarsvæðinu sem nær reyndar alveg yfir á Digranesveg og í sömu setningu dásamar hún nýja skipulagið, sem kynnt var nýverið, sem felst í enn meiri steinsteypu og skýjakljúfum og telur hún að með því sé verið að útrýma þessum bílastæðasvæðum, pöllum og tröppum sem þar eru í dag. Öfughátturinn hjá Lísu er að fordæma steinsteypu með enn meiri steinsteypu og fer hún þar í þversögn við sjálfa sig, góðir dagsskrárgerðamenn láta viðmælendur segja söguna!

Eins skelegg og skýr dagsskrárgerðarmaður hún Lísa Pálsdóttir er þá fer hún yfir strykið í persónulegum áróðri í þáttum sínum, í stað þess eins og hún hóf þessa þátta röð, fyrir margt löngu síðan, með því að draga sögur upp úr valin kunnum viðmælendum og fá þá til að segja frá en í stað þess rekur hún áróður í anda bæjarstjórnainnar í 101 og andsett einkabílum!

Hún segir „Skapast miðbæir yfirleitt ekki í kringum ákveðnar byggingar svo sem söfn, menningarhús og kirkjuna? Þetta er svo sem allt til staðar í Hamraborg, svo það er líklega kominn tími til að klára skipulagið og búa til mannvænt umhverfi í Hamraborginni.“ En málið er að þessi miðbær Kópavogs er búinn að vera þarna um áratuga skeið og ekki tekið miklum breytingum frá því að byggt var yfir gjánna en nú sé verið að endurskipuleggja svæðið, sem EKKI sé öllum að skapi og í ofanálag miklar hún enn Borgarlínu bullið sem fólk heldur að leysi allan vanda. Auk þess talar hún um að þarna sé ekki fýsilegt að ganga um í dag en það mun ekkert breytast með þröngum sundum og hlandvotum veggjum eins og einn sagði.

Í þættinum talar hún um „Vini Hamraborgar“ sem einhvern neikvæðan hóp og hún miklar þessi áform sem einmitt fela í sér byltingarkenndar breytingar með enn meiri steinsteypu. Væri henni ekki nær að halda sér til hlés í svona fullyrðingum, því góðir fjölmiðlamenn eiga að fjalla um hlutina en ekki að mynda stefnur, það er hlutverk stjórnmálamannana og fólksins sem þá kjósa. Ef Lísa Pálsdóttir sem persóna hefur eitthvað til málana að leggja, hól eða gagnrýni, þá á hún að gera það á öðrum vettvangi en í þessum útvarpsþáttum, til dæmis með skrifum á Andlitsbókinni eða daglöðum, rétt eins og aðrir.

Helsti kosturinn við þetta nýja skipulag er að bílastæði verða undir öllum mannvirkjunum og er það mín skoðun að fyrir langa löngu hefði átt að setja þau skilyrði við byggingar fjölbýlishúsa að hafa bílageymslur neðanjarðar. Afhverju? Jú vegna þess að á Íslandi eru veður oft mikil, hitastig lágt eða undir frostmarki og bílar sem eru í frostfríjum bílageymslum endast lengur og spara eldsneyti sem á löngum tíma réttlætir aukin kostnað við gerð á bílageymslum.

Í tímans rás er ætíð þörf á að endurskoða umhverfið og gera lgfæringar, ég tel að þessi áform í nýju skipulagi þurfi að ræða frekar og finna lausn á þessu máli. Ármann bæjarstjóri segir að Hamraborgar reiturinn hafi aldrei verið kláraður en málið er að því lauk fyrir margt löngu því nú er verið að endurskipuleggja þetta svæði.

Það er með ólíkindum hve einkabíllinn er hornreka í öllum áróðri í dag, vilja menn snúa aftur til hestvagna? Vissulega er holt að að nýta aðra samgöngumáta og fjölbreytta orkugjafa, því í stórborgum með lítil og nánast engin loftskipti á heitum sumardögum er hörð samkeppnin um súrefni. Það leysist þó ekki með því að banna alla brunahreyfla sem ganga fyrir jarðefnaeldsneyti, náttúran vinnur úr útblásturs efnum og umbreytir í súrefni og náttúran þarf á því að halda en vissulega er þörf á að gæta einhvers hófs í þeim málum eins og öllu.

Það er áberandi í þáttum Lísu Páls áróður með Borgarlínu og spurning hvort senda megi henni reikninginn fyrir því. Borgarlínan er eins og ég hef sagt áður „PENINGASÓUNN“! þessi framkvæmd felur í sér aðþrengingu að allri annari umferð sem mun kosta enn þá meira í framtíðinni, borgin stendur gegn allri þróunn í gatnagerð og mislægum gatnamótum, sem myndu liðka fyrir umferð og þessi Borgarlína er ekkert annað en annað strætisvagnakerfi sem er til staðar nú þegar og gæti ég meir að segja uppfært það á mun ódýrari hátt og verða mun gagnlegra en  þessi fjáraustur í Borgarlínu. Ég skil ekki hvernig bæjarstjórar og stjórnir  bæjarfélagana á höfuðborgarsvæðinu, falla í þessa skuldagryfju mótþróa laust! Það veit enginn hvernig þetta á að vera þeir ætla að gefa sér mörg ár til að koma þessu á koppinn og mjólka út úr þessu fé sem dýralæknarnir halada að sé viturlegt!

Jón Svavarsson atvinnubílstjóri, flugmaður, ljósmyndari og rafeindavirkjameistari