Væri ekki nær að fara í sund og .......

Það sem menn geta verið að dunda sér við, á hinu háa Alþingi Íslendinga, er með ólíkindum og væri þeim nær að bregða sér í sund því þar er allt fullt af alsberu fólki sem þarf að borga fyrir það að vera bert. NEKT er engin skömm, nakið fólk getur að vísu verið misfallegt og hvort að einhverjir einstaklingar hafi af því tekjur að sýna nakinn líkama sinn eða eitthvað annað hlýtur þeim að vera frjálst. Þessi eilífa fyrirhyggjusemi getur gengið út fyrir öll velsæmis mörk. Það verður að leyfa fólki að ráða sér sjálft og fá að velja sér starfsvettvang. Hins vegar ef það reynist vera neytt til slíkra starfa gegn sínum vilja, að þá á að vera mjög ströng viðurlög við slíku. Að neyða einhvern til einhvers sem honum er á móti skapi eða þykir ógeðfelt á ekki að líðast, en við í lýðfrjálsu ríki, eða svo teljum við okkur vera, eigum ekki að vera með svona þvingunar aðgerðir af hálfu stjórnvalda.

Alþingismönnum er nær að vinna að því að það sé yfir höfuð hægt að búa á Íslandi, því ef ekki þá skipta svona ólög engu máli því það verða engvir eftir til að láta þessi ólög ganga yfir. Framundan eru erfiðir tímar, engin Davíð við stjórnvölin til að lýsa yfir GÓÐÆRI og fólk er að undirbúa landflótta í stórum stíl. Ef ekki verður farið í að vinna að bættum hagvexti í ALVÖRU þá verða engvir eftir nema Refir í heiði og mýs í holum.

 

 

Vilja banna nektarsýningar