Viðeyjarsund á met tíma?

Heimir Örn Sveinsson lagði í það þrekvirki að synda Viðeyjarsund, en það er sund frá víkini fyrir neðan Viðeyjarstofu og allaleið inní Reykjavíkurhöfn að smábátabryggjunum við Ægisgarð. Líklega er þetta besti tími í þessu sundi eða 1:08:50 klst. Allmagir hafa reynt þessa þraut og margir hafa þurft að hætta í miðju sundi vegna kulda í sjónum. Sundafrek af þessu tagi krefst mikils kuldaþols, öflugs líkamsburðar og þolgæði. Það er því ljóst að það liggur ekki fyrir öllum að yfirstíga þessa þraut.

kkv Jón

Athugasemdir

[Marta Gunnarsdóttir, 1.8.2008 kl. 18:42]

Já, þetta liggur víst ekki fyrir öllum, ég lét mér nægja að fara í heitupottana í Árbæjarlaug og gufuna líka. Ætli ég hafi ekki svitnað álíka mikið og ef ég hefði reynt á mig....

[Rúna Guðfinnsdóttir, 1.8.2008 kl. 21:51]

Æææ...ég fæ alltaf samviskubit þegar ég heyri svona fréttir!  Ég er svooo löt að hreyfa mig úti við.   Enda á ég fíflalegasta garð ever  (að sögn nágranna..)

Góða helgi.

[Lilja Guðrún Þorvaldsdóttir, 2.8.2008 kl. 22:10]

Frábært að heyra, ég vona að svona afrek og eins afrek Benedikts með sundinu yfir Ermasund, efli áhuga landsmanna á sundíþróttinni sem slíkri. - Það vantar að lyfta sundíþróttinni upp á hærri stall, en hún er nú.

[Ágúst Ásgeirsson, 6.8.2008 kl. 12:47]

Til fróðleiks - og varðandi besta tíma í Viðeyjarsundi - þá syntu Ari og Jóhannes Páll Gunnarssynir úr Viðey og inn í smábátahöfnina við Ægisgarð á 67 mínútum sumarið 2003, samanber frásögn á mbl.is samdægurs, laugardaginn 30. ágúst.

[Jón Svavarsson, 6.8.2008 kl. 14:11]

Takk Gústi ég kem þessu áleiðis enda voru menn ekki alveg öruggir, en nú er það ljóst. kær kveðja,