Vegir og VEGALEYSUR !!!

 

Jæja STRÁKAR! það er að skilja á þeim sem rita gegn atvinnubílstjórum, að þeir hafi aldrei migið í saltan sjó og aldrei lært að aka bíl! Þetta er ekkert einfalt, þau rök sem Sturla ber fram eru alveg hárrétt, það er engin aðstaða til að taka hvíldir fyrir flutningabílstjóra og svo eru fullt af mönnum með undanþágur sem eru jafnvel að flytja fólk allan daginn. Vegagerðin og hið opinbera hefur ekki látið hjá líða að byggja vigtarplön til að vigta og sekta þessa sömu menn en hafa ekkert gert í að laga vegina sem eru að drepa flesta af slysförum á Íslandi, því það er nefnilega meinið, að vegirnir eru alltof þröngir og flestir sem láta LÍFIÐ í umferðinni aka framan á umferð á móti, svo það þarf ekki frekari vitna við, það er meir að segja búið að jarða þau flest. Dragið nú blýantana út úr munnvikjunum og farið að kannast við það að það er líf fyrir utan veggi stjórnvalda og ykkar sem að heima sitjið.

„Við erum bara sektaðir“

Athugasemdir

[Rúna Guðfinnsdóttir, 7.4.2008 kl. 11:17]

Sannarlega þarf að bæta vegina...ekki spurning. En það er ekki nóg. Fólk heldur áfram að láta lífið í umferðinni ef aksturinn er ekki samkvæmt aðstæðum. Sumir aka mjög ógætilega og verða allt of mörg banaslys við framúrakstur.

[Þórdís Bára Hannesdóttir, 9.4.2008 kl. 18:05]

Ég er viss um að ríkið getur látið meiri pening í vegagerðina.  Eins og þeir gætu látið meiri pening í aðra nauðsynlega ,,samneyslu" ég vil samt ekki þurfa að sitja föst í umferðaröngþveiti fyrir þá í kjarabaráttu þeirra.  Þeir eru að hengja bakara fyrir smið.

[Helga Guðrún Eiríksdóttir, 10.4.2008 kl. 15:16]

Þeir eru hetjur!

[Guðjón H Finnbogason, 11.4.2008 kl. 20:50]

Er nokkur sem ber á móti þessu.En það getur enginn neitað því að hann brýtur lög eins og aðrir mótmælendur

[Halldór Þórðarson/dóritaxi, 11.4.2008 kl. 21:24]

 Hetjur, skúrkar og morðingjar, öll þessi nöfn hafa verið notuð undanfarna daga, ég vil ekki taka svo sterkt til orða en vil frekar nota orðin eiginmenn, feður, bræður og ég bara spyr,!  hvers er ekki hagur af því sem þeir berjast fyrir ?

[Jón Svavarsson, 13.4.2008 kl. 14:20]

Já kæru lesendur, það kann að vera að finna megi einhver lögbrot hjá bílstjórunum sem staðið hafa fyrir mótmælum, já mótmælum sem eru einnig til að bæta kjör okkar hinna, en ef það að mótmæla er lögbrot þá eru allir Íslendingar sakamenn fyrir að hafa barist fyrir sjálfstæði Íslands gegn Dönum.

[ruth (IP-tala skráð) 18.4.2008 kl. 21:29]

Hæ esskan - gaman að sjá þig - hvað er langt í myndirnar mínar?  :)

[Herdís Sigurjónsdóttir, 29.4.2008 kl. 16:55]

Heill og sæll félagi. Það eru greinilega margir sem flesa Skólavörðuna, því það hefur rignt yfir mig kommentum vegna forsíðunnar. Greinilega leikrænir tilburðir hjá konunni sem var að kynna Krikaskóla....... svakalega vel tekin mynd .