Veldur hver á heldur ! VÉR MÓTMÆLUM ALLIR !

 

Það er með ólíkindum hvað Íslendingar hafa látið vaða yfir sig á skítugum skónum æ ofaní Æ og nú loks þegar einhverjir hafa bein í nefinu til að hefja upp raust sína þá er þeim hótað með handtökum og formælingum. Þjóðin ætti að vera þakklát VÖRUBIFREIÐARSTJÓRUM fyrir áræði þeirra að spyrna við fótum. Stjórnendur landsins finna annars ekkert fyrir þessu og því fleiri sem eru tepptir í umferð því betra og helst ef að það eru nógu margir þingmenn í þvögunni. Stjórnendur landsins hafa í ggnum tíðina, skammtað sér laun, tryggt sér rífleg eftirlaun, auk þess sem þeir eru ekki í vinnunni nema eftir sínum eigin geðþótta. Hversu oft hefur maður horft á tóman þingsalinn í beinni útsendingu þá sjaldan að þingfundir eru í gangi. NEI NÚ ER NÓG KOMIÐ, ég stend með þeim sem láta í ljós óánægju sína og mótmæla, ÉG STEND MEÐ ÞEIM SEM VILJA RÉTTLÆTI OG SANNGIRNI. Álögur og skattar eru í engu samhengi við það sem þeim er ætlað, bruðlið og sóunin hefur aldrei verið meiri. Sífelt er verið að hirða aurin og kasta krónuni, fejusmíði, vegaklúður og rýrnun í allri þjónustu, hvort heldur er hjá löggæslu, heilbrigðis eða menntamálum. Menn predika einkarekstur einkarekstur ofan, jú það er gott með en heilbrigðiskerfið hefur upplifað það að með einkaframtakinu þá verður allt dýrara, og á hvejum bitnar það? Ég held að við sem sjálfstæð þjóð, sem barðist friðsamlega og stoltir fyrir sjálfstæðinu og byggðum upp traust og gott hagkerfi ásamt öflugu almannatryggingakerfi og einu besta menntakerfi sem þekkist, þá eigum við að viðhalda þessum lífsgæðum en ekki sífelt að rýra þau. Þá segir einhver, þarf ekki skatta á landsmenn til að borga brúsan? Jú vissulega, en að sjálfsögðu á sanngjörnum og skynsamlegum nótum, vegaskattur, þungaskattur, Jónsskattur, eldsneytisgjald, skilagjald, mengunargjald og lengi er hægt að halda áfram, en hafa þessar álögur skilað sér í bættu hagkerfi, bættu heilbrigðis og menntakerfi, auk bættu vegakerfi? Ég held ekki, það vantar mikið uppá enn. Flestir vegir landsins eru enn rétt fyrir hestvagna og það ekki fleiri en 3 til 4 í einu, þröngir ójafnir og jafnvel ófærir. Nei nú er tími til komin að standa saman og krefjast leiðréttingar á þessum ójöfnuði.

„Ráðamenn vakni"

Athugasemdir

[Helga Auðunsdóttir, 31.3.2008 kl. 10:52]

Svo innilega sammála, það á að hafa franska háttinn á og spyrna svo um munar við fótum þegar gengið er á rétt hins almenna borgara

[Hlynur Jón Michelsen, 31.3.2008 kl. 11:07]

Húrra fyrir þessum mönnum.

[Helga (IP-tala skráð) 31.3.2008 kl. 11:25]

Mikið innilega er ég sammála því sem þú skrifar. Hef heyrt að 4x4 klúbburinn ætli að mótmæla á Austurvelli á morgun og svo gengur póstur manna á milli að almenningur mæti n.k. fimmtudag kl. 16:00 við Alþingishúsið. Væri ekki tilvalið að fjölmenna niður eftir og mótmæla, styðja við bakið á vörubílsjórunum og taka þátt. Þeir eru ekki bara að mótmæla fyrir sig heldur okkur öll hin líka.

Helga Jóns

[Sigrún Friðriksdóttir, 31.3.2008 kl. 11:28]

Styð þessi mótmæli og er stolt af að LOKSINS þori einhver að gera eitthvað, ekki bara kvarta

[Solla Guðjóns, 31.3.2008 kl. 11:51]

Þú hefur lög að mæla og er þetta búið að vekja góða athygli.

Mér lýst vel á framhaldið.Þ.e.4x4 á Austurvelli og mómæli við Alþingishúsið.

Það þarf reyndar að mínu mati að gera þokkalega uppreysn á alþingi og fá ráðamenn til að taka ábyrgð á ástandi þjóðarbúsins alls.

[Jón Svavarsson, 31.3.2008 kl. 12:12]

Já stelpur og strákar, það væri tilvalið að fylla miðbæin af bílum og keyra svo lötur hægt að allt verði fast í amk eina til tvær klukkustundir. Það er líka satt að það þarf að gera þeim grein fyrir ábyrgð stjórnvalda fyrir því ástandi sem ríkjandi er í efnahagsmálum þjóðarinnar. Árni Matthísen virðist ætla að feta í fótspor pabba síns sem fjármálaráðherra og sitja á ríkiskassanum eins og Jóakim frændi, sm tímir engu og vill bara græða og gæða og fá allt fyrir ekkert. Vissulega þarf að sína ráðvendi í fjárhagsmalum, en ríkissjóður má líka eyða í sparnað, með því að kosta til hlutana á eðlilegn hátt og greiða sanngjörn laun og sjá til þess að landsmenn hafi jafnan til sjá sér farborða.

[Ómar Ragnarsson, 31.3.2008 kl. 20:49]

Það er himinhrópandi munur á mótmælum 4x4 klúbbsins og aðgerðum vöruflutningabílstjóra, sem fara langt yfir eðlileg mörk og í ofanálag með kröfum um að þeir séu undanþegnir því að axla ábyrgð á gerðum sínum.

[Guðrún Jóna Gunnarsdóttir, 1.4.2008 kl. 01:28]

Loksins samstaða. Löngu tímabært framtak sem ég styð heils hugar, jafnvel þó ég sitji föst klukkutímum saman á einhverri brautinni.