Flytjum Ráðhúsið á Esjuna !!! Sandkassaleikur Sjálfgræðismanna !!!

 

Enn og aftur rísa menn upp og vilja flugvöllinn burt úr Vatnsmýrinni. Það er jafn gáfulegt og ætla að flytja Ráðhúsið á Esjuna. Gísli Marteinn talar um umhverfismál í sömu hendingu og hann vill byggja í Vatnsmýrinni. Gísli ertu ekki með öllum mjalla? Íbúðabygging og eyðing Vatnsmýrarinnar er ekki umhverfismál. Það er aftur UMHVEFISMÁL að halda flugvellinum og varðveita frekar það sem eftir er af mýrinni fyrir það fuglalíf sem enn er eftir þar. Háskólinn í Reykjavík kemur eins og Skrattinn úr sauðaleggnum, þar sem hann er að rísa, nær hefði verið að byggja hann þá á lóðinni fyrir framan Háskóla Íslands þá hefðu þeir getað farið í sameiningu á auðveldan hátt, því það er í tísku hjá öllum viðskiptamönnum í dag, sameiningar þvers og krus og engin veit lengur hver á hvað. Reykjavíkurflugvöllur er ein aðal samgönguæð landsins, mun mikilvægari en nokkurn grunar, það fylgir jú öllum samgöngum hávaði, líka bílaumferð sem veldur mun meiri loftmengun en flugumferðin. Nær væri að leggja vinnu í að skipuleggja samgöngukerfið að öðruleiti betur svo umferð gangi greiðar og betur fyrir sig. Reynið nú að fara að vitkast, þið sem þykist vera að stjórna Reykjavíkurborg og farið að horfa á þessi mál eins og skynsamt fullorðið fólk, en ekki eins og krakkar í sandkassaleik.

Vilja íbúðabyggð í Vatnsmýri

Athugasemdir

[Ía Jóhannsdóttir, 27.1.2008 kl. 12:31]

Hehehe góð færsla og er sammála að hluta til

[Helgi Mar Hallgrímsson (IP-tala skráð) 27.1.2008 kl. 13:31]

Það má samt benda á að verðmæti byggingarlandsins í vatnsmýrinni er margfalt hærra en kostnaður við byggingu nýs flugvallar hvort sem er á lönguskerjum eða Hólmsheiði. Þannig að bara út frá hreinni hagfræði er mjög óhagstætt að hafa flugvöllinn þar sem hann er, fyrir utan hversu fáránlegt það er skipulagslega séð að hafa flugvöll nokkur hundruð metra frá miðbænum.

[Valur Stefánsson, 27.1.2008 kl. 14:16]

Látum þessa skrattakolla byggja úti á Lönguskerjum.

Svo heldur Gísli Marteinn því fram að allt fólkið sem vinni niður í miðbæ flytji í Vatnsmýrina því þá getur það bara hjólað í vinnuna.  Þessi krakki er bara ekki með öllum mjalla.

[Jón Svavarsson, 27.1.2008 kl. 20:01]

Skipulagslega hagkvæmt eða ekki, því veðurfarslega og opnir þjónustudagar flugvallarins eru margfalt meiri en ef hann væri uppi á heiðum. Ef flugvöllurinn væri komin uppá Hólmsheiði eða Sandskeið þá væri hann búin að vera lokaður svona amk 80-90 % síðustu 60-80 daga auk þess sem snjómoksturskostnaður væri margfalt meiri. Þau auðæfi sem menn sjá í byggingarlandinu Vatnsmýri, er fé sem aðeins fer í vasa nokkura auðmanna sem braska með fasteignir, landið sem slíkt er ekkert verðmætara en Klambratúnið eða Laugardalurinn, afhverju flytja menn ekki Laugardalsvöllinn upp að Korpu og reisa þar nýtt íþróttasvæði á Úlfarsfellssvæðinu? Flutningur flugvallarins væri bara kostnaðarauki sem aðeins væri greiddur með skattfé borgarana, auk þess sem ég mynni á að landið er í ríkiseign þó það sé í Vatnsmýrinni, því Borgin á aðeins þann hluta sem er næst Háskóla Íslands og Öskjuhlíðina. Það er því þjóðhagslega hagkvæmt til framtíðar að flugvöllurinn verði kyrr á sínum stað.

[Sölvi Arnar Arnórsson, 27.1.2008 kl. 21:59]

 Völlurinn á að vera þar sem hann er. Hef verið að ferðast
á milli Reykjavíkur og Ísafjarðar í 15 ár vegna atvinnu minnar. Veðrið er
risjótt, oft er seinkunn á flugi eða aflýst vegna veðurs, eða þá að þær
þurfa að snúa við vegna breyttra veðurfarslegra aðstæðna, sem betur fer er
Þyngeyrarflugvöllur komin aftur í gagnið sem varavöllur,en oft er ófært á
báða staði.

Þeir sem vilja flugvöllin burt. Reynið að íhuga það hvað þetta
er langt ferli, að fara til Keflavíkur á Bíl eða með Rútu, innrita sig inn
tímanlega. þetta er frá því að maður leggur af stað heiman frá sér þar til
að maður er komin á áfangastað 3-5 tímar.

það eru mjög oft tafir á flugi.
Ef að völlurinn færi til Keflavíkur, þá yrði í mörgum tilfellum fljótlegra
að keyra til Isafjarðar, ég tala af reynslu, þetta er ekki eins og að hoppa
upp í strætó, innanlandsflugið.

 Flugið til Akureyrar myndi leggjast af.
menn færu frekar Keyrandi Norður. kv sölvi