Ofurtrú á rafrænt öryggi !!

    Jú vissulega geta rafrænarmyndir sem þessar leyst mörg málin sem koma upp, en áhrifaríkast er þó sýnileg öflug Löggæsla, eins og stefna nýs Lögreglustjóra höfuðborgarsvæðisins hefur boðað. Það er engum blöðum um það að fletta að þegar fjölmennið var sem mest hér um árið í miðbænum, þá var það fjöldi lögreluþjóna sem settir voru á vakt í miðborgina sem skiptu mestu máli og komu þannig í veg fyrir meiriháttar líkamsmeiðingar, með tilveru sinni á staðnum. Það get ég fullyrt með vissu þar sem ég var flestar helgarnar á fréttavaktinni um helgar. Svo komu myndavélarnar og þá hvarf lögæslan úr miðborginni, því lögreglan var orðin skíthrædd að vera niðri í bæ um helgar, það var betra að vera í úthverfunum og takast frekar á við heimiliserjur og hávaðakvartanir en að hætta lífi sínu í miðborginni. Þannig varð ofurtrú á rafrænt öryggi með rafrænarmyndavélar á nokkrum götuhornum. Menn gleymdu því að myndavélarnar gátu ekki stöðvað slagsmál og bjargað slösuðum, það er aðeins í mannlegum krafti að framkvæma, en myndavélarnar skrásetja atburðin en koma ekki veg fyrir þá.

Myndir úr öryggismyndavél skiptu grundvallarmáli við lausn líkamsárásarmáls

Athugasemdir

[Halldór Eldjárn, 4.1.2007 kl. 18:27]

Og hvernig færðu þetta út? Er þetta byggt á áreiðanlegum heimildum?

Ég veit ekki betur en að það er einmitt verið að AUKA sýnilega löggæslu um þessar mundir.

[Ólafur fannberg, 4.1.2007 kl. 22:44]

kvitt fyrir innlit

[Jón Svavarsson ljósmyndari (IP-tala skráð) 5.1.2007 kl. 16:17]

Svar til Halldórs eldjárns.

Já ég hef þetta frá áreiðanlegum heimildum og eigin reynslu þar sem ég var vitni að þessum uppákomum í mörg ár bæði fyrir og eftir myndavélar, en ég get líka viðurkennt það að líklega hafa tilkomur myndavélana haft þau áhrif að flest siðmenntað fólk hafi kosið að láta ekki grípa sig í þessum myndavélum og þar af leiðandi síður eða alls ekki látið sjá sig í þeim mannsafnaði í miðborginni. En hvað varðar lögreglumennina þá hef ég það frá fyrstu hendi að löggæslumönnum kveið alltaf fyrir helgunum.

kveðja Jón