Viðbúnir, tilbúnir ????

Já það er ekki einleikið þegar einkavæða á Ísland, oftast eru breitingar breitingana vegna ekki til neinna framdrátta fyrir samfélagið. Það hefur sínt sig á undaförnum áratugum með gífurlegum framförum bæði á sviði flugþjónustu og öflugri og betri loftförum að Íslendingar hafa ekki látið sitt eftir liggja. Með fullkomnum hugbúnaði var Ísland með fyrstu þjóðum að taka upp rafræna flugumferðarstjórnun, það er íslenskt fyrirtæki sem hefur hannað einn fullkomnasta hugbúnað til flugumferðarstjórnunar og sú tækni verið tekin upp víðar í heiminum. Það hefur verið leitað til Íslendinga með aðstoð við uppbyggingu á flugumferðaþjónustu vítt og breitt um heimin til að endurskipuleggja flugvelli og rekstur þeirra, svo sem í Afganistan og ríkjum fyrrum Júgóslavíu og meira væri hægt að telja upp. Slökkvilið flotastöðvarinnar sem var á Miðnesheiði á Keflavíkurflugvelli, skipuð Íslendingum, hefur verið í fremstu víglínu meðal jafningja, og enn mætti lengi telja. Líklega er Íslanskaflugstjórnarsvæðið eitt af því viða mesta sem gerist í heiminum, þrátt fyrir mikla umferð á mörgum flugvöllum vítt um heiminn þá eru líklega færri flugvélar á hvern flugumferðastjóra í umsjón hverju sinni þar, en þeirra íslesnku sem fá alla flugumferð milli heimsálfana, Ameríku og Evrópu auk heimsskautsins, það er auk þess viðurkennt að þetta svæði sé eitt erfiðasta vegna strjálbýlis og erfiðra fjarskipta. Íslenska flugumferðaþjónustan er ein sú allra öruggasta sem þekkist, og slíka þekkingu og hæfni er ekki hægt að kaupa út í búð eins og hvert annað góðgæti. Það ætti að vera stolt okkar og þá undir forystu kjörina fulltrúa okkar sem falið er að reka þetta stóra fyrirtæki ÍSLAND ohf, fyrir okkar hönd, að búa vel að allri opinberi starfsemi sem hugsast getur. Það hefur sýnt sig að Íslendingar eru að upplagi metnaðarfullir og vilja vera bestir í öllu sínu hvað svo sem það heitir. Fyrsta skilda stjórnenda ÍSLAND ohf er að tryggja að öll sú þjónusta sem við, JÁ ég segi við höfum komið okkur upp, hvort heldur er, menntamál, öryggismál, samgöngumál, atvinnumál eða heilbrigðismál, séu fyrirliggjandi fyrir ALLA á hvaða stigum þeir eru enda hafa Íslendingar státað af því að ekki sé nein stéttaskipting á Íslandi, sem sagt allir jafnir. Virðum rétt okkar og þau áunnu réttindi hvort heldur sem þau eru persónuleg eða samfélagsleg, verndum hag landsmanna og gerum Ísland að besta landi til að búa á í veröldinni.

Með þjóðarstolti Jón Svavarsson

Viðbúnaðaráætlun Flugstoða skerðir ekki flug

Athugasemdir

[Agný, 2.1.2007 kl. 06:26]

Mér finnst nú stundum eins og þeir sem þessu landi stjórna  boða breytingar í hinum og þessum málum í breiðum bönum þegar líður að alþingis kosningum.. Þá skal nú sko öllu breytt til hagsbóta fyrir þá sem minna mega sín...En efndirnar hafi nú ekki verið eins efismiklar og stóru orðin.. Merkilegt hvað stjórnmálmönnum líðst að fara með "fleipur" af öllum stærðum og gjörðum...Það er sko greinilega ekki sama "bara" Jón og "séra" Jón.. í þeim málum sem öðrum..Agný.

[Ólafur fannberg, 2.1.2007 kl. 08:10]

kvitt fyrir komu