Engin furða !!!

Það er ekki að vænta framfara, þegar skólanenfdir og fræðslu yfirvöld sveitarfélaga eru svo upptekin við að rífa allt niður og rótast í kerlingarkveinum. Í stað þess að byggja upp og rækta betri fræðslu á öllum sviðum, leikskóla og grunnskólastigum. Stjórnendur fræðslumála hjá sveitarfélögum eru alltof upptekin við að þiggja nefndarlaunin í stað þess að vinna fyrir þeim og rífast um hver eigi að sitja hvar og svo framvegis. Samband sveitarfélaga leggja síðan sitt framlag með því að halda niðri launum kennara svo þeir hrökklist úr starfi og leiti í önnur auðveldari og betur launuð störf. Stjórnun og efling fræðslumála á fyrstu stigum er eitt það mikilvægasta í þessu þjóðfélagi, því það eru þau börnin sem munu erfa landið.

 

 

Vonsvikin með PISA-könnun

Athugasemdir

[Þórdís Bára Hannesdóttir, 4.12.2007 kl. 21:38]

gott og blessað en hvað minarðu með ,,kerlingakveinum"

[Jón Svavarsson, 4.12.2007 kl. 23:19]

Sæl Bára mín, með fullri virðingu fyrir konum, því konur eru yndislegar, þá er ég hér að vísa til kvartana sem eru bornar fram, órökstuddar og tilhæfulausar, af mæðrum sem eru aðeins í nöp við einhvern í skólanum sem börnin þeirra eru í, það eru einnig feður sem taka þátt í slíkum erjum og hefði ég einnig átt að bæta við, Kallagargi, því þeir eru ekkert heilagri. Meiningin í þessu er að það eru til foreldrar sem sjá ekki hvað verið er að gera gott fyrir börnin þeirra í skólanum og eru of upptekin af öllu öðru en að ala upp börnin sín. Þar af leiðandi eru því að glíma við agaleysi heima fyrir og reyna skella skuldinni á skólana með einhverjum hætti. Þetta fullyrði ég að fenginni reynslu, þar sem ég hef starfað ötullega í foreldrastarfi síðast liðin tuttugu ár og búin að ala upp fimm börn. Ég hef því miður orðið vitni að því að það eru til foreldrar sem ekki eru að sinna börnunum sínum sem skildi, jafnvel fólk sem er þokkalega vel gefið og komið í ágætar álnir. Hvað er þá að?

Ég ítreka það ég var engan vegin að meina þessi orð sem einhverja niðurlægingu á konur, heldur á fólk sem setur sig í þann gírinn að senda kvörtunar bréf til skólanefnda og setja allt um koll og vinna þar með að niðurrifi, í stað þess að færa fram jákvæða gagnrýni með tillögum um hvernig það sér hlutunum betur fyrir komið, það hef ég gert í tvo áratugi og náð ágætis árangri og allir sáttir við það. Það er því alveg makalaust þegar síðan fræðsluyfirvöld elta síðan ólar við slík skrif, án þess að athuga gaumgæfilega forsemdurnar og taka afstöðu síðan með öðrum aðilanum, í stað þess að leita lausna á málunum. Það eru nefnilega til KALLAR sem eru í raun fluðrukollar í eðli sínu, því kallaði ég þetta kerlingar, ef svo má að orði komast.

Takk fyrir innlitið og athugasemdirnar, 

[Ingunn Jóna Gísladóttir, 6.12.2007 kl. 11:56]

Mikið er ég sammála þér. Skólakerfið er að fara í hundana og allur tími fer í endalausa fundi og kjaftæði og ekkert uppbyggilegt gert. Þetta svokallaða einstaklingsmiðaða nám er ekki mikið að virka, því miður. Í skólanum hjá mínum börnum eru tveir bekkir saman, það er að segja 2 og 3, 4 og 5 og svo framvegis, það þýðir 45-55 börn í bekk og það er bara alls ekki að virka. En það er ekki hægt að breyta þessu, segja þeir sem stjórna og ákveða, því skólinn er byggður með þetta að sjónarmiði og sparnaðurinn það mikill að skólinn er allt of lítill. Menntun er ekki í hávegum höfð og launin hjá kennarastéttinni ekki há, þannig að þetta á eftir að versna meira. Þetta er sorglegt. Góður pistill hjá þér, eigðu góðan dag. Kær kveðja Ingunn