Endalokin í uppsiglingu !!!.......

Efnahagur fólksins í landinu er ekki á þeim nótum að það fari að bæta við sig áskriftum. Flestir sem ég þekki hafa veið að segja upp áskriftum til að eiga fyrir mjólk og brauð og smá í matinn, dag frá degi. Launin eru ekki að hækka og ríkisstjórnin boðar auknar álögur á landsmenn, þrátt fyrir að hafa ætlað að slá skjaldborg um heimili landsins og öll kosningaloforð eru orðin tóm og jafnvel svik í andhverfu sinni. Hverjum dettur þá í hug að fara að selja áskrift að einu ÓDÝRASTA sjónvarpsefni sem framleitt hefur verið. Menn verða að hafa eitthvað bitastætt til að selja svo varan verði keypt.

Þó að Bæjarins Bestu sé ekki flottasti matsölustaður landsins, þá er hann með framúrskarandi góðar pylsur sem allir kunna að meta, þó það sé ekki eins íburðar mikið og nautasteik Bernais á Holtinu, enda kostar það mörgum sinnum meira, en samanburðurinn felst í því að ef Holtið er sama og til dæmis RÚV að þá er Skjárinn aðeins eins og brauðið af pylsunni því að það vantar oftast pylsuna og meðlætið með. Ég óska Skjá einum alls hins besta og hefur oft dottið á gott efni sem því miður hefur ekki verið oft og ekki enst, en hins vegar verið hinum stöðvunum hvatning til að gera enn betur og halda sér í formi.

Sjónvarpsefni almennt hefur verið að þynnast út jafnt og þétt á undanförnum árum, ímyndanir, Óraunveruleiki og allskyns rugl hefur fengið að sjást á skjám fólks og hefur oft frekar skekkt raunveruleika fólks frekar en að skerpa hann. Stöð tvö hefur tekið svo sannarlega þátt í þeim ósköpum og er þar til marks um ósköpin að þau eru helst send út í ólæstri dagskrá því það vill engin kaupa svona rugl saman ber Auddi og Sveppi og þess háttar rugl.Þó mega stöðvarnar eiga það að enn eru fréttir sendar út óruglaðar en skildu menn taka uppá því að selja aðgang að þeim líka? Maður veit aldrei hvað kemur næst!

 

SkjárEinn verður áskriftarstöð