Erfið leit framundan !!!

Björgunarsveitarmenn á suðausturlandinu eiga erfit verk fyrir höndum, ef marka má lýsingar kunnugra og þær glæsilegu myndir sem birtust á bloginu hans Sigurpáls, http://fiskholl.blog.is/blog/fiskholl/entry/292164/#comment562508 , þá er greinilegt að þarna eru með erfiðustu aðstæðum og líklega sú sorglega staðreynd að piltarnir gætu leynst þarna í einhverri sprungunni. Kunnugir segja að jökullinn sé á mikilli hreyfingu á þessum slóðum og menn sem hætta sér út á ísbreiðuna í skriðjöklinum geta átt von á að ferðast talsvert með honum á skömmum tíma.

Björgunarsveitir sem koma að leitum sem þessum eru að fórna miklu og leggja sig í mikla hættu á jöklum sem þessum, fórnfúst starf björgunarsveitana er einnig undir vinnuveitendum komið og ætti ríkið að taka tillit til þess með einhverjum hætti, til dæmis með styrkjum eða öðrum viðurkenningum, því oft geta menn verið dögum saman frá vinnu vegna stórra björgunar og leitaraðgerða. Sjálfur hef ég tekið þátt í flestum þeim björgunar og leitar aðgerðum sem komið hafa upp á síðast liðnum fjórum árum og nú síðast með að koma STJÓRNSTÖÐVARBÍL Flugbjörgunarsveitarinnar í Reykjavík, austur í Skaftafell, en hann er eini bíllinn á landinu sem er sérstaklega ætlaður til slíkra verka, en það eru þó til tvær eða þrjár minni útgáfur af álíka bílum. Þessi bíll er komin nokkuð til ára sinna og mætti vera aðeins stærri og er það hugmynd mín að arftaki hans verði í formi rútu á fjórhjóladrifi, með allan þann búnað sem fyrir er í þessum bíl ásamt  litlum eldhúskrók og snyrtingu.  En nýr slíkur bíll kostar amk 20-40 miljónir ef vel ætti að vera og væri það frábært framtak að hið opinbera myndu leggja til fé í þá endurnýjun.

Þessi bíll sem nú er í notkun var upphaflega gjöf Kvennadeildar Flugbjörgunarsveitarinnar til starfsins en þær hafa á margvíslegan hátt stutt dyggilega við bakið á starfi sveitarinnar. Ýmsir aðilar hafa lagt til búnað í bílinn Radíóþjónusta Sigga Harðar, Síminn, Opin kerfi og mun fleiri sem ég því miður hef ekki nógu góðar upplýsingar um, en allt það sem bílnum hefur verið lagt til hefur verið notað af kostgæfni og komið í góðar þarfir. Það er einnig deginum ljósara að þörfin fyrir svona bíl er mikil, þó svo að ekki komi mjög oft til að kalla hann út í aðgerðir en þær eru þó nokkrar á hverju ári og eins og með hverja þá útkallseiningu sem til þarf þá þarf hann að vera til staðar þegar þörf krefur. ég hvet alla landsmenn að sýna björgunarsveitunum hlýhug og styðji við bakið á ötulu starfi vaskra manna og kvenna.

Enn hefur ekkert spurst til þýskra ferðalanga

Athugasemdir

[Hulda Bergrós Stefánsdóttir, 22.8.2007 kl. 13:53]

Við Íslendigar erum svo heppin :) Eigum þrautreyndt og hörkuduglegt hjálparsveitarfólk og ekki megum við gleyma að allt er þetta í sjálfboðavinnu.

[Vilborg Traustadóttir, 22.8.2007 kl. 17:41]

Tek undir þetta.  Það er ótrúlegt hvað hjálparsveitirnar leggja á sig og við sendum auðvitað hlýja strauma og styðjum við þær eftir föngum. Vona og bið að þjóðverjarnir finnist.

[María Kristjánsdóttir, 24.8.2007 kl. 07:35]

Hjálparsveitirnar eru eitt  það  besta í samfélagi okkar.  

[Ásdís Sigurðardóttir, 24.8.2007 kl. 10:05]

Ég er svo stolt af mönnunum í leitarsveitinni. Er með hugann hjá þeim og kveikti ljós í morgun fyrir þá.

[Steingerður Steinarsdóttir, 24.8.2007 kl. 10:55]

Flott færsla hjá þér. Það veitir ekki af að minna okkur á þetta.