Þarf frekari vitnanna við !

Þessar upplýsingar eru af vef veðurstofunar og segja allt það sem segja þarf um mismun á veðurfari á Hólmsheiði og á móti í vatnsmýrinni. Nú er að verða nóg komið um allt fjas og kjaftæði um að flytja Reykjavíkurflugvöll, fólk þarf að fara að vitkast og taka sönsum. Flugvöllurinn er ein mikilvægasta samgönguæð landsins og ein sú hættu minnsta, þrátt fyrir að flugsamgöngur séu stundum taldar varasamar þá er lægst slysatíðni í flugsamgöngum í öllum heiminum og ekki hvað síst á Íslandi. Þrátt fyrir að einhver hávaði fylgi sumum flugvélum þá er hann hverfandi og sífelt er verið að framleiða hlóðlátari vélar í þau tæki. Ef grannt væri gáð þá er ég viss um að hávaðamengun frá bílaumferð á Hringbrautinni sé margfalt meiri, því vert að skoða afhverju Hringbrautin var ekki sett í stokk í gegnum Vatnsmýrina, sem þurfti hvort eð er að grafa út vegna jarðvegsskipta, því mýrin er að jafnaði lágmark 4-6 metrar niður á fast ef ekki sumstaðar meiri.

 Ein aðal ástæða þess að Vatnsmýrin varð fyrir valinu á flugvallarstæði, eru veðurfarslegar eins og dæmið hér sannar og nú er bara sumar, hvað þá á köldum vetrarveðrum með ísingu og öllum pakkanum, er fólk tilbúið að skipta yfir í meiri áhættu og færri flugdaga, vegna þess að þá yrði flugvöllurinn mun oftar lokaður vegna veðurs, NEI ég held ekki.

Miðvikudagur 6.jún kl. 9:00 Reykjavík

Lítils háttar rigning  Hiti 11° Vindur10  m/s Suðaustan  

Straumsvík Hiti 10° Vindur12  m/s Suðaustan

Korpa Hiti 11° Vindur11  m/s Suðaustan

Geldinganes Hiti 11° Vindur13  m/s Suðaustan

Hólmsheiði Hiti 9° Vindur17  m/s Suðaustan

Garðabær – Vífilsstaðavegur Hiti 10° Vindur13  m/s Suðaustan

Einarsnes í Skerjafirði Hiti 12° Vindur7  m/s Suðaustan  

Kjalarnes Hiti 11° Vindur12  m/s Austan

heimildir Veðurstofa Íslands

Athugasemdir

[Anna Benkovic Mikaelsdóttir, 6.6.2007 kl. 16:19]

bara að hafa flugvöllinn þar sem hann er...

[Steingerður Steinarsdóttir, 8.6.2007 kl. 23:10]

Nonni minn ég trúi þér alveg en er samt ekki sannfærð um að flugvöllurinn sé á besta stað. Ég man nefnilega eftir slysi fyrir um það bil áratug eða svo þegar flugvél á leið til Hornafjarðar hætti við flugtak og rann út af brautinni og staðnæmdist aðeins um 50 m frá leiksvæði barna á leiksskóla í Skerjafirði. Mér finnst annað slíkt slys sem ekki færi eins vel skelfilegt.

[Jón Svavarsson, 9.6.2007 kl. 00:26]

Þakka ykkur fyrir undirtektirnar, að sjálfsögðu verður Flugvöllurinn kyrr á sínum stað, slysið sem Steingerður vitnar í endað nokkur hundruð metra frá umræddum leikskóla, en það er svo skrítið hvernig Borgin velur staði fyrir leikskóla, því oft eru þeir í umhverfi þar sem þeir eiga ekkert erindi og oft eru spennistöðvar Orkuveitunar við hliðina eða í sama húsi, sem til langtíma er litið jafnvel enn hættulegra ef sú kenning á við rök að styðjast að rafsvið frá spennistöðvum valdi krabbameini. En hvað varðar slysahættu af flugvöllum almennt þá er slysatíðni það verulega lág á flugvöllum hérlendis að það er ekki einu sinni rök gegn flugvellinum. slys á Reykjavíkur flugvelli hafa orðið nokkur þessi SEXTÍU ár sem hann e búin að vera í notkun og ef miðað er við umferð, fjölda lendinga og flugtaka ásamt farþega fjölda þá liggur við að hægt væri að fullyrða að flugvöllurinn sé slysalaus því svo fá slys hafa orðið á Reykjavíkurflugvelli. það hafa orðið nokkur flugatvik eða óköpp, þar sem flugvélar hafa farið framaf flugbraut, magalent, runnið út af braut í hálku, en nær ekkert af þeim atvikum eru skilgreind sem slys. Öryggi í flugsamgöngum er með því mesta sem gerist hér á Íslandi þrátt fyrir að við búum við einar erfiðustu aðstæður hvað varðar veður, eða eins og landsmenn vita þá er oft ófært á marga staði oft svo að dögum skiptir. En á móti er sára sjaldan ófært til Reykjavíkur því flugvöllurinn er svo vel staðsettur með tilliti til veðurs, að jafnvel oftar er hann notaður til vara fyrir Keflavíkurflugvöll en Keflavík fyrir reykjavíkurflugvöll. Ef fólk telur að það sé slysahætta af flugvellinum þá eru sömu hættur allsstaðar þar sem flugvöllurinn yrði settur niður og jafnvel meiri ef eitthvað er. Við eigum að vera stolt af þessum örugga og góða flugvelli sem Bretar og bandaríkjamenn létu okkur eftir 1946, er þeir afhentu flugvöllin Íslendingum og takið eftir ekki bara Reykvinginum. Reykjavíkurflugvöllur er eign allra landsmanna og e að meginhluta á landi ríkisins en ekki borgarinnar. Þessa vegna er það alveg forkastanlegt að aðeins Reykvíkingar voru látnir kjósa um hann á sínum tíma, því þeir eiga ekki flugvöllin heldur ÞJÓÐIN.