Reykjavíkurflugvöllur er eign allra landsmanna!!!

Myndirnar eru frá Flugdegi 26. ágúst 2006.

Kæru Landsmenn, hver segir að fólk setji það ekki fyrir sig að fara alla leið til Keflavíkur til að fara til útlanda, það tekur lágmark 45 mínútur að aka þessa leið sem mörgum hefur þótt einn hættulegasti kafli ferðarinnar er fólk fer erlendis. Það eru jú rútuferðir, en þær koma ekki að sækja þig upp að dyrum, heldur verður fólk að taka a.m.k. leigubíl á móts við Flugrútuna, eða fá ættingja til að aka sér annað hvort í rútuna eða alla leið til Keflavíkur, eða skilja bílinn eftir í kostnaðarsamri bílageymslu, allt er þetta til að íþyngja fólki sem þarf að sækja flug til Keflavíkur, eða það sem flestum finnst svo dýrt sem er að taka leigubíl alla leið. Ég er viss um að það liði ekki langur tími þar til fólk færi að kvarta undan öllu þessu oki og amstri bara til að komast til Akureyrar eða eitthvað annað út á land, það færi tvöfalt til þrefallt meiri tími bara að koma sér í flugið heldur en flugið sjálft. Nei vinur þetta er ekkert gamanmál, að flytja flugvöllin er ekki nein lausn heldur óþarfa kostnaður sem við eigum að nota í annað gagnlegra, eins og menntamál, heilbrigðismál og margt það sem fólki finnst ekki lagi fyrir eins og umferðamannvirki sem eru mörgum sinnum hættulegri en flugvöllurinn. Auk þess gleymir fólk því, þá aðallega Reykvíkingar, að landið sem flugvöllurinn er á, er að mestu leiti eign ríkisins en ekki borgarinnar, löndin þar sem fólk vill flytja flugvöllin á er einnig í meirihluta eigu annara en borgarinnar og ekki síður verðmæt lönd með sinni náttúruverndunarsvæðum vegna vatnasöflunar, fuglalífs, gróðurs og áfram mætti telja. Hvar eru þá umhverfissjónarmiðin, hverjir eru þá að vernda landið, er þá allt í lagi að setja umhverfissjónarmið til hliðar?

Flugkveðja Jón

Athugasemdir

[Jóna Á. Gísladóttir, 24.4.2007 kl. 21:44]

Heyr heyr.

[Steingerður Steinarsdóttir, 25.4.2007 kl. 10:10]

En er ekki slysahætta af flugvellinum þar sem hann er?

[Jón Svavarsson, 25.4.2007 kl. 11:02]

Sæl Steingerður, slysahætta er allstaðar og flutningur á flugvellinum á stað sem er komin hærra yfir sjávarmál og veður vályndari eykur slysahættu. Hinsvegar er minni slysahætta af flugvellinum og jafnvel í tíundaveldi heldur en Hringbrautinni sem er við hliðina á honum og því ætti að gera eitthvað í þeim málum frekar. Slysin sjáum við ekki fyrir hvar sem þau verða, en oft skapar maðurinn sjálfur slysagildrur með lélegum hönnunum og þröngsýni. Það er nú þegar búið að þrengja að flugvellinum meir en nóg og sú ákvörðun að byggja Háskólan í Reykjavík við Hlíðarfót er algjört slys, ef menn eru að tala um umferðaröngþveiti þá er það bara smámunir við það sem það mun verða þarna í kringum Öskjuhlíðina, nær væri að reisa þar SAMGÖNGUMIÐSTÖÐ eins og hefur verið hugmynd um lengi. kær kveðja Jón

[Vilborg Traustadóttir, 25.4.2007 kl. 11:52]

Flugvöllurinn á að vera nákvæmlega þar sem hann er.

[Anna Benkovic Mikaelsdóttir, 1.5.2007 kl. 18:14]

það finnst mér líka