Því líkt lostæti uuuuhhmmmm !!!!

Food and Fun hófst í dag og að venju voru þar mættir ráðherrar sem eru hæstráðandi í allri matvælaframleiðslu, landbúnaðar og sjávarútvegs. Auk þeirra opnaði Jón Karl Ólafsson forstjóri Icelandair, hátíðina formlega. Margt var um manninn og meðal þess sem þarna gerðist var að guðni Ágústsson gaf erlendu kokkunum að smakka íslenska skyrið sem er engu líkt í öllum heiminum.

Um kvöldið fór ég á Vox á Nordica hótelinu og smakkaði þar á rétti dagsins, sem meðal annars er lambakjöt marinerað í Timmian og ólífuolíu, lamba konfí með gæsalifur elduðu lengi,  ásamt ýmsu meðlæti. Matseðillinn á Vox er því líkt flottur að það er virkilega eftirsóknarvert að fara og smakka á þessu góðgæti. Vox er einn af flottari veitingastöðum borgarinnar og ættu fleiri að gera sér daga mun með heimsókn þangað við og við, en verðin þar eru vel viðráðanleg og gæðin frábær, enda er áhöfnin í eldhúsinu á heimsmælikvarða að ónefndri aðstöðinni sem þar er, allt það nýjasta sem hægt er að hafa í fullkomnu eldhúsi.