Gleðilegt ár kæru BLOGvinir!

Jæja þá er komið nýtt ár með nýjum markmiðum og verkefnum. Ég vil byrja á að þakka ykkur öllum sem gefið hafa ykkur tíma til að líta inn á blogsíðuna mína og jafnvel senda mér kveðju og athugasemdir við eldri blogin. Þessir síðustu mánuðir hafa verið ansi fjörugir og það hefur verið í nógu að snúast, mynda, vinnamyndir (Pixlum)aðstoða við jólatrjá og flugeldasölu Flugbjörgunarsveitarinnar auk nokkura útkalla þeim tengdum. Auk þess sem ég hef þurft að hafa svolítið ofan af fyrir Kertasníki, en allt hefur þetta gengið vel.

Nú fer í  hönd bjartari tími, sólin að hækka á lofti og sumarið í vændum. Ég ætla að reyna að ferðast meira um landið okkar fagra komandi sumar, en mér hefur tekist undanfarin sumur. Ég hef það markmið að koma betra lagi á myndasafnið mitt sem þó er ekkert í rusli, heldur langar mig að samhæfa filmusafnið og lesa eitthvað af þeim myndum í rafrænt form. Myndasafn mitt áætla ég að telji á þriðjumiljón mynda, þegar allt er talið og er ég þá að tala um frummyndir, en í rafræna hlutanum á ég auka eintök sem eru unnin á mismunandi vegu og svo á ég talsvert af myndum sem teknar eru á filmu og afritaðar á pappír í mismunandi stærðu, þó mest í 10 x 15 cm. Einnig á ég mikið af litskyggnum sem margar hverjar eru gersemar og það eru þær sem ég ætla að leggja áherslu á að vinna í rafrænt form.

Síðustu vikur hafa verið nokkuð atburðaríkar, bæði ánægjulegir atburðir og svo nokkrir sorglegir, frændi minn og föðurbróðir féll frá í lok nóvember, og nokkrir vina og kunningja minna hafa fallið frá á þessu tímabili auk sonur eins vinar, ég votta fjölskyldum þeirra allra mínar hjartanlegustu samúðar kveðjur. Þrátt fyrir vonsku veður þá tókst að halda settu markmiði í sölu jólatrjáa og flugelda, en það tryggir rekstur björgunarsveitana og í mínu tilfelli Flugbjörgunarsveitarinnar í Reykjavík.

Síðustu tvo vetra hef ég verið að reyna að klára að staulast í gegnum Leiðsögumannanám, sem gengið hefur treglega vegna anna, en kanski er sígandi lukku best að stýra, og enn horfi ég til þess að klára það ekki fyrr en 2009 en það er eitt af markmiðum mínum að ljúka því þá. Þetta nám hefur verið einkar skemmtilegt og maður fær allt aðra sýn á land vort og sögu eftir að hafa gengið þarna í gegn, þetta eins vetrar nám er á við fjögur ár í jarðfræði, þrjú ár í náttúrufræði, fimm ár í íslandssögu og þjóðháttum auk ýmistlegs annars sem komið er inná í þessu námi. En eitt skal ég segja ykkur, maður kynnist alveg glás af skemmtilegu fólki á ýmsum aldri, því skólafélagarnir eru frá tvítugu til áttræðisaldurs, af ýmsum þjóðernum og báðum kynjum, í einu orði sagt dásamlegt fólk. Leiðsögunámið fer fram í Leiðsöguskóla Íslands sem starfar innan Menntaskólans í Kópavogi og hefur verið þar um ára bil.

Að lokum vil ég láta fylgja með nokkrar myndir eins og venja er, meðal annars af flugeldum og íþróttamanni ársins 2007, atburðum nýársdags, björgun báts í Kópavogi og nýárssund sjósundmanna í Nauthólsvík.

Athugasemdir

[Rúna Guðfinnsdóttir, 9.1.2008 kl. 16:30]

Það vilja skiptast á skin og skúrir hjá manni á meðan maður dregur andann. Gaman að lesa þennan pistil þinn og vonandi koma margir fleiri góðir á nýju ári.

Ég sé að það verður nóg að gera hjá þér og spennandi tímar framundan. Gangi þér vel

[Fanney Björg Karlsdóttir, 9.1.2008 kl. 19:10]

skemmtilegur pistill..... spennandi þetta með leiðsögumannanámið.... hef einmitt sjálf verið veik fyrir þessu námi..... kanski maður ætti að slá til....

[lady, 9.1.2008 kl. 19:15]

alltaf nóg að gera hjá þér jón minn já óska þér innilega gleðilegt nýtt ár ég efast ekki um að það verðir nóg að gera hjá þér á nýja árinu  gaman að lesa bloggið þitt allavega nóg að lesa

[Þórdís Bára Hannesdóttir, 9.1.2008 kl. 19:41]

Gleðilegt ár.

[Ásdís Sigurðardóttir, 9.1.2008 kl. 20:23]

Blessaður og velkominn aftur í BLOG heima, þín hefur verið saknað.  Góður pistill já og gleðilegt ár og takk fyrir blogg vináttu.  Ég missti móður mína 1.des. svo það hafa verið erfiðir tímar víða.  Takk fyrir mynda sýninguna, gott að fá þig til baka með þína sýn á lífið og tilveruna.

[Adda bloggar, 10.1.2008 kl. 15:59]

gleðilegt ár

[Bryndís R (IP-tala skráð) 10.1.2008 kl. 20:28]

Gleðilegt ár

[Sigrún Friðriksdóttir, 12.1.2008 kl. 00:38]

Gleðilegt og spennandi nýtt ár !!

[Edda Agnarsdóttir, 13.1.2008 kl. 01:04]

Innlitskvitt!

[Magnús Paul Korntop, 13.1.2008 kl. 04:03]

Sæll Frændi og gleðilegt ár,var að lesa um það núna að Eyji frændi hefði látist sama dag og ég fór út,blessuð sé minning hans og eins og þú mannst eflaust þá hitti ég hann oft í boðum og það var alltaf gaman að hitta hann,ég votta þér og öðru frændfölki mínu mínar innilegustu samúðarkveðjur,megi GUÐ blessa ykkur og styrkja.

Gaman að lesa áætlanir þínar á þessu ári og vonandi tekst þetta,sérstaklega með leiðsögunámskeiðið.

                 KV:Magnús Korntop

[María Kristjánsdóttir, 13.1.2008 kl. 12:28]

Ég óska þér sömuleiðis gleðilegs árs og góðs gengis í náminu.

[Þóra Sigurðardóttir, 13.1.2008 kl. 18:43]

Gleðilegt ár kæri bloggvinur og gangi þér vel í leiðsögumannanáminu og öllu því sem þú tekur þér fyrir hendur á nýju ári það er alltaf jafn gaman að sjá myndirnar þínar.

[Steingerður Steinarsdóttir, 14.1.2008 kl. 10:35]

Gleðilegt ár og gangi þér vel í skólanum.

[María Anna P Kristjánsdóttir, 14.1.2008 kl. 11:28]

Gleðilegt nýtt ár,gangi þér vel í náminu, þegar þú ert búinn þá áttu eftir að hitta mikið af mismunandi fólki sumir skemmtilegir og aðrir erfiðir en það er í lagi það er hluti af vinnunni við að vera leiðsögumaður.