Unglingar og miðbæjar drykkja!!!!!!

Ég get nú ekki látið hjá líða að skrifa smá um miðbæjardrykkjuna, en líklega flestir sem verst eru á sig komnir hófu drykkjuna í heima húsum og samkvæmt nýjustu upplýsingum, þá eru lílega hugmyndir á lofti um það að selja ekki ölvuðu fólki áfengi alla vega ekki í miðborgarkvosinni. en það gæti tekið með sér nesti að heiman, hvað gera bændur þá? Hins vegar er sorglegt að horfa uppá unglinga sveiflandi bjórdósum og flöskum með áfengum drykkjum, unglingum sem eru jafnvel enn í grunnskóla.

Fyrir um 7 árum síðan var lögeglan enn sýnileg í miðborginni, þá var það lenska að hópast í miðbæinn og torgið var fullt af fólki, sífeldar fréttir eftir hverja helgi um ölvun og múgsöfnuð í miðborginni. Þá var löggan ekki komin með eftirlitsmyndavélar og þeir þurftu að horfa uppá hroðan með berum augum, þá var löggan ekki komin með stafræn fjarskipti sem getur sýnt hvar löggubílarnir eru niðurkomnir. Nei þá var öldin önnur, þá voru LÖGGUR í miðborginni og fljótir að bregðast við ef einhver brá upp hnefa. Núna horfa þeir bara á skjána á löggustöðinni og horfa uppá lýðinn misþyrma hvert öðru ef ekki að sálga hvor öðrum! Því miður er ekki til nein töfralyf til að koma í veg fyrir ofbeldi, engar snjallar lausnir, aðrar en þær að fólk á að vera gott við hvort annað og elska friðinn.

Sýnileg löggæsla er besta forvörnin, löggubíll í vegkanti, eða við gatnamót, eða bara á ferðinni, er sennilega ein af bestu forvörnum í umferðamálum og blikka aðeins bláu ljósunum á þá sem eru að gleyma sér, gangandi löggæslumenn í miðborginni og á vappi um iðnaðar og íbúðahverfi, sýnilegir, vingjarnlegir og hjálpfúsir. Þannig áskapa þeir sér virðingu meðal fólksins, þannig eru þeir ÞJÓNAR LAGANA, ekki eitthvað sakavald, sem er fyrst og fremst í huga að nappa einhvern, koma mönnum í handjárn svo þeir geti ekki hreyft sig, eða tjóðrað niður konur ef þær vilja ekki pissa. Það þarf að koma af stað hugarfarsbreytingu og þá á ég við hjá öllum, því ef við getum ekki verið í sambúð í tilverunni í sátt og samlyndi, þá verðum við alltaf í óttanum og vitum aldrei hvað bíður okkar á næsta horni.

Sjá fleiri myndir frá Menningarnótt á;  www.123.is/MOTIVMEDIA

 

Athugasemdir

[Halldór Sigurðsson, 26.8.2007 kl. 15:56]

Flottar myndir frá menningarnóttinni

[Rúna Guðfinnsdóttir, 27.8.2007 kl. 08:34]

Nokkurn veginn sammála þér, sýnileg löggæsla er málið. Gaman að sjá allar myndirnar.

[María Anna P Kristjánsdóttir, 27.8.2007 kl. 08:47]

Sammála,og myndirnar eru flottar. Kvedja María

[Ásdís Sigurðardóttir, 27.8.2007 kl. 09:38]

Þetta er og verður vandamál. Flottar myndir 

[Margrét Annie Guðbergsdóttir, 4.9.2007 kl. 17:32]

Vá flottar myndir hjá þér.