Frábær frammistaða slökkviliðs !!!!!!

 Það var engum blöðum um það að fletta að þarna var unnið stórvirki í slökkvistarfi. Slökkvilið annarsstaðar í heiminum hafa verið í mun meiri vandræðum með mun auðveldari eldsvoða viðfangs en þennan. Sjálfur hef ég í starfi mínu verið vitni að fjölda eldsvoða hérlendis og get fylgst með slökkviliðum að starfi við allskyns erfiðar aðstæður. Hér held ég þó að stóra áskorunin hafi komið. Í fjölmörg ár hefur veið rætt um eldhættu í eldri hverfum þar sem mikið er um gömul timburhús og rafkerfi þeirra jafnvel orðið gamalt og varhugavert. Eins hefur verið rætt um erfiða aðkomu slökkviliðs víða í gamlabænum, þar sem götur eru þröngar og bílum lagt handahófskennt og frjálslega út um allt. Það er kanski ekki öllum ljóst við hvað var að etja þarna í Austurstrætinu, því þarna var í gangi tímasprengja sem ómögulegt var að reikna út. Þá á ég bæði við fyrir og í brunanum, því tímaspursmál var hvenær það kæmi upp eldsvoði þarna í þessum húsum og eða sambærilegum, og hvernig eldurinn gæti breiðst út. Útbreiðsla eldsins hefði getað verið mun meiri yfir í öll nærliggjansi hús, meðal annars Hressingarskálann. Framganga slökkviliðsins við að bjarga því sem bjargað var í húsunum við Lækjargötu var með ólíkindum hreint frábær. Öll lögmál segja að þau hús hefðu fuðrað upp, því vindurinn sem var allnokkur strengur yfir torgið blés virkilega vel í glæðurnar og bara það gerði slökkvistörfin margfalt erfiðari fyrir vikið. Ef borgaryfirvöld kunna að meta það hve frábært slökkvilið við höfum í Höfuðborginni þá ættu þeir að gefa þeim verulegan auka bónus í launaumslagið næstu mánaðamót, því þeir hafa sannarlega unnið fyrir því. Margir halda að vera slökkviliðs maður sé bara að sitja og horfa á sjónvarp með kaffibollan í annari hendi og kleinu í hinni! Nei og sko aldeilis ekki, það eru daglegar æfingar, líkamsrækt, umhirða búnaðar og tækja og þrotlaust starf sem framkvæmt er reglubundið. til dæmis með heimsóknum til fyrirtækja með rekstur sem talin er meiri eldhætta af en annar og eins til að kynna sér húsaskipan ef eldsvoða ber upp og reykkafarar þurfa að fara inn til að bjarga fólki, þá er betra að þekkja leiðirnar um viðkomandi hús í stórum dráttum. Til hamingju með frábæran árangur í slökkvistarfinu, Slökkvilið Höfuðborgar Svæðisins.

Íkveikja ekki útilokuð í rannsókninni

Athugasemdir

[Júlíus Valsson, 20.4.2007 kl. 10:09]

Ég er sammála þér Jón. Þetta eru frábærir menn sem vinna þessi verk á mjög fagmannlgan hátt við oft mjög erfiðar og hættulegr aðstæður. Þetta á einnig við um Lögregluna. Þessir starfshópar eru skammarlega lágt launaðir. Við þurfun að sýna þessum mönnum meira þakklæti í verki. 

[www.zordis.com, 20.4.2007 kl. 21:04]

Mikilvægi starfsins verður oft ekki opinbert fyrr en á reynir.  Dapurt með þennan bruna.

[Hulda Dagmar Magnúsdóttir, 20.4.2007 kl. 22:56]

Já þetta var hrikalega sorglegt, við eigum ekki svo mikið af gömlum byggingum, og slökkviliðið bjargaði öllu sem í mannlegu valdi stóð.  En þó fyrir öllu að enginn slasaðist eða lést.

[Ásdís Sigurðardóttir, 21.4.2007 kl. 01:10]

Þetta eru hetjurnar okkar. Þegar ég var lítil skotta á Húsavík, var pabbi minn í slökkviliðinu, mikið var ég alltaf hrædd þegar útkall kom og það var oft erfitt að fá hann heim, skítugan og hræðilega þreyttan, en þetta var alltaf samt svo jákvætt, menn unnu þrekvirki.

[Sigríður Laufey Einarsdóttir, 22.4.2007 kl. 17:23]

Sammála.
Sonur minn er í slökkviliðinu. Samt er ekki á bætandi hvað ég er stolt af honum. Svona eru mömmur.

Með kveðju